India vs England: ഗില്ലിന്റെ നീക്കം, ഐപിഎല് താരം ടീം ക്യാമ്പില്; ഇന്ത്യ ഒരുങ്ങുന്നത് ‘സര്പ്രൈസ്’ നീക്കത്തിനോ?
Harpreet Brar joins India nets in Birmingham: ടെസ്റ്റ് ടീമിന്റെ ഭാഗമല്ലാത്ത ബ്രാര് എങ്ങനെ പരശീലന സെഷനിലെത്തിയെന്നായിരുന്നു ആരാധകരുടെ സംശയം. മറ്റേതെങ്കിലും താരത്തിന് പകരം ബ്രാറിന്റെ അന്തിമ ടീമില് ഉള്പ്പെടുത്തുമോയെന്ന ചോദ്യവും ഉയര്ന്നു
എഡ്ജ്ബാസ്റ്റണില് നടക്കുന്ന ഇംഗ്ലണ്ടിനെതിരായ രണ്ടാം ടെസ്റ്റിന് മുന്നോടിയായി ഇന്ത്യ നടത്തുന്ന പരിശീലന സെഷനില് പങ്കെടുത്ത് പഞ്ചാബ് കിങ്സ് താരം ഹര്പ്രീത് ബ്രാര്. ഐപിഎല്ലില് താരതമ്യേന മികച്ച പ്രകടനം പുറത്തെടുത്ത താരം സര്പ്രൈസായാണ് ഇന്ത്യന് ടീമിന്റെ പരിശീലന സെഷനിലെത്തിയത് (Image Credits: PTI)
നിലവില് ടെസ്റ്റ് ടീമിന്റെ ഭാഗമല്ലാത്ത ബ്രാര് എങ്ങനെ പരശീലന സെഷനിലെത്തിയെന്നായിരുന്നു ആരാധകരുടെ സംശയം. മറ്റേതെങ്കിലും താരത്തിന് പകരം ബ്രാറിന്റെ അന്തിമ ടീമില് ഉള്പ്പെടുത്തുമോയെന്ന ചോദ്യവും ഉയര്ന്നു.
എന്നാല് ഇതിനുള്ള സാധ്യതകള് കുറവാണ്. ക്യാപ്റ്റന് ശുഭ്മന് ഗില്ലിന്റെ അഭ്യര്ത്ഥന പ്രകാരം നെറ്റ്സില് പന്തെറിയാനുള്ള ഗസ്റ്റ് താരമായാണ് ബ്രാര് എത്തിയത്. ബ്രാറിനൊപ്പം മറ്റൊരു പഞ്ചാബ് താരമായ ജഗ്ജിത് സിങ് സന്ധുവും നെറ്റ്സില് പന്തെറിഞ്ഞു.
സ്പിന്നര്മാര്ക്കെതിരെ ഇന്ത്യന് ബാറ്റര്മാര്ക്ക് മതിയായ പരിശീലനം ലഭിക്കാനാണ് ഗില് ബ്രാറിനെ വിളിച്ചത്. ഗില് തനിക്ക് സന്ദേശം അയച്ചപ്പോള് താന് സ്വിന്ഡണില് ഉണ്ടായിരുന്നുവെന്ന് ബ്രാര് പറഞ്ഞു.
തന്റെ ഭാര്യ സ്വിന്ഡനില് നിന്നാണ്. ബര്മിങ്ഹാമിന് വളരെ അടുത്താണ് അത്. അവിടെ നിന്നു 1-1.5 മണിക്കൂര് ഡ്രൈവ് ചെയ്യാനുള്ള ദൂരമേയുള്ളൂ. ഗില് പരിശീലനത്തിനെത്താന് മെസേജ് അയയ്ക്കുകയായിരുന്നുവെന്നും ബ്രാര് വെളിപ്പെടുത്തി.
