Census: സെൻസസ് ഇനി ‘ഡിജിറ്റൽ’; ചെലവ് 12,000 കോടി രൂപയെന്ന് റിപ്പോർട്ട്
Census 2025: ഓരോ പത്ത് വര്ഷത്തിലുമാണ് രാജ്യത്ത് ഔദ്യോഗിക ജനസംഖ്യാ കണക്കെടുപ്പായ സെന്സസ് നടക്കുന്നത്. ഇന്ത്യയില് 2011-ലാണ് അവസാനമായി സെന്സസ് നടന്നത്.
2025-ൽ ആരംഭിക്കുന്ന സെൻസസ് ഡിജിറ്റലായിരിക്കും എന്ന് റിപ്പോർട്ട്. പൗരന്മാർക്ക് സ്വയം വിവരങ്ങൾ രേഖപ്പെടുത്താൻ സാധിക്കുന്ന സെൻസസാണ് വരാൻ പോകുന്നത്. (Image Credits: Freepik)
സെസൻസിനായി സർക്കാർ പ്രത്യേക പോർട്ടൽ സജ്ജമാക്കും. ഡിജിറ്റൽ സെൻസസിന് ആധാർ കാർഡ്, മൊബെെൽ ഫോൺ വിവരങ്ങളും നിർബന്ധമാണ്. (Image Credits: Freepik)
ഒരു വീട്ടിൽ താമസിക്കുന്ന കുടുംബങ്ങളുടെ എണ്ണം, എസി-എസ്ടി വിഭാഗത്തിലാണോ എന്നതുൾപ്പെടെ 31 ചോദ്യങ്ങളാണ് രജിസ്ട്രാർ ആൻഡ് സെൻസസ് കമ്മീഷണർ തയ്യാറാക്കിയിരിക്കുന്നത്. (Image Credits: Freepik)
കുടുംബാംഗങ്ങളുടെ എണ്ണം, വീടിന്റെ ഘടന, ശുചിമുറി സൗകര്യം, ഇന്റർനെറ്റ് കണക്ടിവിറ്റി, വാഹനം എന്നിവയുൾപ്പെടെയുള്ള ചോദ്യങ്ങൾ ഇതിൽ ഉൾപ്പെടുന്നു. 12,000 കോടി രൂപയാണ് സെൻസസിന്റെ ചെലവ് പ്രതീക്ഷിക്കുന്നത്. (Image Credits: Freepik)
10 വർഷം കൂടുമ്പോഴാണ് സെൻസസ് നടക്കേണ്ടത്. 2011-ലെ സെൻസസ് പ്രകാരം 121 കോടിയായിരുന്നു രാജ്യത്തെ ജനസംഖ്യ. എന്നാൽ നിലവിൽ 140 കോടി പിന്നിട്ടുവെന്നാണ് അനൗദ്യോഗിക കണക്കുകൾ വ്യക്തമാക്കുന്നത്. (Image Credits: Freepik)
2020-ലാണ് അടുത്ത സെൻസസ് നടത്താൻ തീരുമാനിച്ചിരുന്നത്. എന്നാൽ കോവിഡിന്റെ പശ്ചാത്തലത്തിൽ മാറ്റുകയായിരുന്നു. പുതിയ സെൻസസ് 2025-ൽ ആരംഭിച്ച് 2026-ൽ അവസാനിക്കുമെന്നാണ് റിപ്പോർട്ട്. (Image Credits: Freepik)
