Onam 2024: ഓണസദ്യ ചമ്രം പടിഞ്ഞിരുന്ന തന്നെ കഴിയ്ക്കണം; കാരണമറിയണ്ടേ!
How To Eat Onasadhya: ആയുർവേദത്തിലും നിലത്ത് ഇങ്ങനെ ഇരുന്ന് ഭക്ഷണം കഴിയ്ക്കുന്നത് നല്ലതാണെന്നാണ് പറയുന്നത്. ഇത് കുടലിന് ആരോഗ്യപരമായ പല ഗുണങ്ങളും നൽകുന്ന രീതിയാണ്. ശരീരം നിവർന്ന പൊസിഷനിൽ ആയതിനാൽ പെട്ടെന്ന് കുടലിന് ഭക്ഷണം ദഹിപ്പിയ്ക്കാൻ കഴിയും.
ഓണത്തിന് പ്രധാനം സദ്യ തന്നെയാണ്. സദ്യ കഴിക്കുന്നതിലും വിളമ്പുന്നതിലും വരെ ചില ചിട്ടവട്ടങ്ങളുണ്ട്. ചിലരൊക്കെ അത് ഇപ്പോഴും പിന്തുടരുന്ന ഒന്നാണ്. നാക്കിലയിൽ ഒരോ കൂട്ടും വിളമ്പന്നതിന് ഓരോ സ്ഥാനം തന്നെയുണ്ട്. എന്നാൽ വെറുതെ അങ്ങ് വാരിവലിച്ച് കഴിച്ചാൽ അത് സദ്യയാവില്ല. കഴിക്കുന്നതിനുമുണ്ട് ഓരോ രീതികൾ. (Image Credits: Social Media)
നിലത്ത് പാ വിരിച്ച് ചമ്രം പടിഞ്ഞിരുന്നാണ് പരമ്പരാഗത രീതിയിൽ ഓണസദ്യയുണ്ണുന്നത്. അങ്ങനെ ഇരുന്ന് സദ്യഉണ്ണുന്നത് വെറെതെയല്ല. അതിന് വേറെ പല ഗുണങ്ങളുമുണ്ട്. യോഗയിലെ സുഖാസന എന്ന രീതിയോട് സാമ്യമുള്ള ഇരിപ്പാണ് ചമ്രം പടിഞ്ഞിരുക്കുക എന്നത്. കേരളത്തിൽ മാത്രമല്ല അങ്ങ് ചൈനയിലും ജപ്പാനിലുമെല്ലാം ആരോഗ്യത്തിന്റെ ഭാഗമായി പറയുന്ന ഇരിപ്പ് രീതിയാണിത്. (Image Credits: Social Media)
ആയുർവേദത്തിലും നിലത്ത് ഇങ്ങനെ ഇരുന്ന് ഭക്ഷണം കഴിയ്ക്കുന്നത് നല്ലതാണെന്നാണ് പറയുന്നത്. ഇത് കുടലിന് ആരോഗ്യപരമായ പല ഗുണങ്ങളും നൽകുന്ന രീതിയാണ്. കാരണം മറ്റൊന്നുമല്ല. ചമ്രം പടിഞ്ഞിരുന്ന് കഴിക്കുമ്പോൾ പെട്ടെന്ന് തന്നെ ഭക്ഷണം ദഹിക്കുന്നു. മാത്രമല്ല, നാം ഭക്ഷണമെടുക്കാനായി മുന്നോട്ടും പുറകോട്ടും ശരീരം അനക്കുകയും ചെയ്യുന്നു. (Image Credits: Social Media)
അങ്ങനെ ശരീരം അനങ്ങുമ്പോൾ വയറ്റിലെ മസിലുകൾക്ക വ്യായാമം നൽകുന്നു. അതുകൊണ്ട് തന്നെ ഭക്ഷണം പെട്ടെന്ന് തന്നെ ശരീരത്തിന് വലിച്ചെടുക്കാൻ സാധിയ്ക്കുന്നു. നാം കഴിയ്ക്കുമ്പോൾ ഇരിയ്ക്കുന്ന രീതിയും സ്ഥാനവുമെല്ലാം ദഹാനാരോഗ്യത്തെ സ്വാധീനിയ്ക്കുന്ന പ്രധാനപ്പെട്ട ഘടകമാണ്. (Image Credits: Social Media)
മലബന്ധം പോലുള്ള പ്രശ്നങ്ങൾക്കുള്ള നല്ലൊരു പരിഹാരം കൂടിയാണ് നിലത്തിരുന്ന് ആഹാരം കഴിക്കുന്നത്. നിലത്ത് കാലുകൾ പിണച്ച് ഇരിയ്ക്കുന്നത് ഇടുപ്പിന്റെയും കണങ്കാലിന്റെയും ആരോഗ്യത്തിനും നല്ലതാണ്. ശരീരം നിവർന്ന പൊസിഷനിൽ ആയതിനാൽ പെട്ടെന്ന് കുടലിന് ഭക്ഷണം ദഹിപ്പിയ്ക്കാൻ കഴിയും. (Image Credits: Social Media)
