SM Entertainments: കെ-പോപ്പ് താരത്തെ പ്ലാസ്റ്റിക് സർജറിക്ക് വിധേയമാക്കി; എസ്എം എന്റർടൈൻമെന്റിനെതിരെ വിമർശനം
SM Entertainment Faces Backlash: എസ്എംടിആർ25 എന്ന ഏറ്റവും പുതിയ ബോയ് ഗ്രൂപ്പിലെ അംഗത്തെ പ്ലാസ്റ്റിക് സർജറിക്ക് വിധേയനാക്കിയെന്ന് ആരോപിച്ച് എസ്എം എന്റർടൈൻമെന്റസിനെതിരെ വ്യാപക വിമർശനം.
ട്രെയിനി താരത്തെ പ്ലാസ്റ്റിക് സർജറിക്ക് വിധേയനാക്കിയെന്ന് ആരോപിച്ച് കെ-പോപ്പ് ഏജൻസിയായ എസ്എം എന്റർടൈൻമെന്റസിനെതിരെ വ്യാപക വിമർശനം. സോഷ്യൽ മീഡിയയിൽ ഒന്നടങ്കം കെ-പോപ്പ് ആരാധകർ പ്രതിഷേധം അറിയിച്ചു. (Image Credits: Instagram)
എസ്എംടിആർ25 എന്ന ഏറ്റവും പുതിയ ബോയ് ഗ്രൂപ്പിലെ അംഗമാണ് ജെജെ എന്നറിയപ്പെടുന്ന ജസ്റ്റിൻ ജെയ്. ഏജൻസി താരത്തെ പ്ലാസ്റ്റിക് സർജറിക്ക് നിർബന്ധിതനാക്കിയെന്ന് ചൂണ്ടിക്കാട്ടിയാണ് വിമർശനങ്ങൾ ഉയരുന്നത്. (Image Credits: Instagram)
ലോസ് ഏഞ്ചൽസിലെ എസ്എം ടൗണിൽ നിന്നുള്ള താരത്തിന്റെ ഏറ്റവും പുതിയ ചിത്രങ്ങൾക്കൊപ്പം പഴയ ചിത്രങ്ങൾ താരതമ്യം ചെയ്തുകൊണ്ടാണ് ആരാധകർ പ്ലാസ്റ്റിക് സർജറിക്ക് എതിർപ്പ് അറിയിച്ചത്. (Image Credits: Instagram)
കൊറിയൻ സൗന്ദര്യ നിലവാരത്തെയാണ് കമന്റിലൂടെ പലരും കുറ്റപ്പെടുത്തുന്നത്. ഇതിന് മുൻപും പല താരങ്ങളെയും എസ്എം എന്റെർറ്റൈന്മെന്റ്സ് പ്ലാസ്റ്റിക് സർജറിക്ക് വിധേയമാക്കിയിട്ടുണ്ടെന്ന് ആരാധകർ ആരോപിക്കുന്നു. (Image Credits: Instagram)
അതേസമയം, ഈ വർഷത്തിന്റെ തുടക്കത്തിലാണ് എസ്എം എന്റർടൈൻമെന്റ്സ് അവരുടെ ഏറ്റവും പുതിയ 25 അംഗ ബോയ് ഗ്രൂപ്പായ SMTR25 അവതരിപ്പിച്ചത്. പരിശീലനാർത്ഥികളുടെ കൂടുതൽ വിശദാംശങ്ങൾ എസ്എം ഇതുവരെ ഔദ്യോഗികമായി പുറത്തുവിട്ടിട്ടില്ല. (Image Credits: Instagram)
