Cholera – Symptoms and causes: കേരളം കരുതലോടെ കാണണം കോളറയെ… ലക്ഷണങ്ങളും പ്രതിരോധ മാർഗങ്ങളും
Cholera at Kerala: മനുഷ്യർക്കൊപ്പം സഞ്ചരിച്ചുവരുന്ന ഒരു പകർച്ചവ്യാധിയാണ് കോളറ. ഇപ്പോൾ അത് കേരളത്തിലും എത്തിയിരിക്കുന്നു. ഭയം വേണ്ട ജാഗ്രത മതി കോളറയെ പിടിച്ചു കെട്ടാം...
വയനാട്ടിൽ കോളറ സ്ഥിരീകരിച്ചതോടെ ഭീതിയിലാണ് മലയാളികൾ. കാലങ്ങളായി കോളറ മനുഷ്യ രാശിക്കൊപ്പമുണ്ട്. ശുചിത്വ തത്ത്വങ്ങള് കൃത്യമായി പാലിച്ചാല് പൂര്ണമായും തടയാവുന്ന ഒരസുഖമാണിത്. വിബ്രിയോ കോളറ എന്ന ബാക്ടീരിയ ഉണ്ടാക്കുന്ന ജലജന്യ രോഗമാണിത്. (Image Courtesy : Getty Images)
ഈ രോഗാണു പല തരത്തിലുണ്ട്. ഇതിൽ O1, O139 എന്നീ ഇനങ്ങളാണ് അണുബാധയുണ്ടാക്കുന്നത്. ഒഗാവ, ഇനാവ, ഹികോജിമാ എന്നീ പേരുകളിലാണ് ഇവ പൊതുവേ അറിയപ്പെടുന്നത്. മലിനമായ ജലസ്രോതസ്സുകളില് നിന്നും ഭക്ഷണത്തില് നിന്നുമാണ് പ്രാധാനമായും കോളറ പടരുന്നത്. (Image Courtesy : Freepik)
കോളറ രോഗിയെ പരിചരിക്കുന്ന വ്യക്തിയും സൂക്ഷിക്കണം. രോഗിയുടെ മലമൂത്ര മാലിന്യങ്ങള് കൈകാര്യം ചെയ്തതിനു ശേഷം സോപ്പിട്ട് കൈ കഴുകിയില്ലെങ്കിലും രോഗവ്യാപനം ഉണ്ടാകും. രോഗാണു ശരീരത്തില് പ്രവേശിച്ചു മിക്കവാറും 1-2 ദിവസത്തിനകം അസുഖമുണ്ടാകുന്നു. (Image Courtesy : Freepik)
രോഗാണുബാധയുണ്ടായാലും 75 ശതമാനം ആള്ക്കാരിൽ പലപ്പോഴും ലക്ഷണങ്ങൾ കാണാറില്ല എന്നത് അപകടം കൂട്ടുന്നു. കടുത്ത ഛര്ദി, വയറിളക്കം എന്നിവയാണ് പ്രധാന ലക്ഷണങ്ങൾ. കഞ്ഞിവെള്ളം പോലെയുള്ള മലമാണ് കോളറയുടെ പ്രത്യേകത.
ശരീരത്തില് ഗ്ലൂക്കോസിന്റെയും മറ്റു ലവണങ്ങളുടെയും കുറവുമൂലം അപസ്മാരത്തിന് കാരണമായേക്കാം.ചികിത്സാ മാര്ഗങ്ങള്നിര്ജലീകരണം തടയുകയാണ് മികച്ച പ്രതിരോധമാര്ഗ്ഗം. ഒ.ആര്.എസ്. (Oral Rehydration Solution) ലായനിയാണ് എറ്റവും ഉത്തമം.
