5
Latest newsKeralaIndiaEntertainmentBusinessEducationSportsLifestyleWorldTechnologyReligionWeb StoryPhoto

AI Breast Cancer Diagnosis: സ്തനാർബുദം കണ്ടെത്താൻ ഇനി എഐ; ഏറ്റവും വലിയ പരീക്ഷണത്തിനൊരുങ്ങി യുകെ

AI Faster Breast Cancer Screening: യുകെയിൽ ഏഴ് ലക്ഷത്തോളം വനിതകളാണ് ഇതിന്റെ ആദ്യ പരീക്ഷണത്തിൽ ഭാഗമാകുന്നതെന്ന് മാധ്യമങ്ങൾ റിപ്പോർട്ട് ചെയ്യുന്നു. സ്തനാർബുദം തിരിച്ചറിയാനുള്ള ആർട്ടിഫിഷ്യൽ ഇൻറലിജൻസ് (എഐ) ബ്രെസ്റ്റ് കാൻസർ സ്ക്രീനിംഗ് പരീക്ഷണം ആരോ​ഗ്യ രം​ഗത്തെ തന്നെ ഏറ്റവും വലിയ വഴിത്തിരിവായിരിക്കും.

AI Breast Cancer Diagnosis: സ്തനാർബുദം കണ്ടെത്താൻ ഇനി എഐ; ഏറ്റവും വലിയ പരീക്ഷണത്തിനൊരുങ്ങി യുകെ
പ്രതീകാത്മക ചിത്രംImage Credit source: Social Media
neethu-vijayan
Neethu Vijayan | Published: 05 Feb 2025 21:16 PM

ലണ്ടൻ: ആരോ​ഗ്യ മേഖലയിൽ പുതിയ ചരിത്രമെഴുതാൻ എഐ. സ്തനാർബുദ ചികിൽസാ രംഗത്ത് വലിയ വഴിത്തിരിവുമായാണ് എഐ കടന്നുകയറ്റം. എഐ അധിഷ്ഠിത സ്തനാർബുദ സ്ക്രീനിംഗിനാണ് തുടക്കമാകുന്നത്. യുകെയാണ് ഈ പരീക്ഷണത്തിന് തയ്യാറെടുക്കുന്നത്. ലോകത്തിലെ ഏറ്റവും വലിയ എഐ അധിഷ്ഠിത സ്തനാർബുദ സ്ക്രീനിം​ഗായിരിക്കും ഇതെന്നാണ് ​ഗവേഷകർ പറയുന്നത്. എഐ ടൂളുകൾ ഉപയോ​ഗിച്ച് തുടക്കത്തിൽ തന്നെ സ്താനാർബുദം കണ്ടെത്താൻ സഹായിക്കുന്നതാണ് ഈ സാങ്കേതിക വിദ്യയുടെ പ്രത്യേകത.

യുകെയിൽ ഏഴ് ലക്ഷത്തോളം വനിതകളാണ് ഇതിന്റെ ആദ്യ പരീക്ഷണത്തിൽ ഭാഗമാകുന്നതെന്ന് മാധ്യമങ്ങൾ റിപ്പോർട്ട് ചെയ്യുന്നു. സ്തനാർബുദം തിരിച്ചറിയാനുള്ള ആർട്ടിഫിഷ്യൽ ഇൻറലിജൻസ് (എഐ) ബ്രെസ്റ്റ് കാൻസർ സ്ക്രീനിംഗ് പരീക്ഷണം ആരോ​ഗ്യ രം​ഗത്തെ തന്നെ ഏറ്റവും വലിയ വഴിത്തിരിവായിരിക്കും. യുകെയിലെ നാഷണൽ ഹെൽത്ത് സർവീസ് (എൻഎച്ച്എസ്) ഇതിൻ്റെ പരീക്ഷണത്തിന് 700,000ത്തോളം സ്ത്രീകളെ കണ്ടെത്തി കഴിഞ്ഞു.

ഈ വർഷം ഏപ്രിൽ മുതൽ യുകെയിലെ 30 ഇടങ്ങളിലാണ് ഇതുമായി ബന്ധപ്പെട്ട് പരിശോധന നടത്താൻ തീരുമാനിച്ചിരിക്കുന്നത്. സ്ത്രീകളിലെ സ്താനാർബുദം വേഗത്തിലും കൃത്യതയിലും ഈ എഐ ടൂൾ ഉപയോ​ഗിച്ച് കണ്ടെത്താൻ കഴിയുമെന്നാണ് അധികൃതർ പറയുന്നത്. എൻഎച്ച്എസ് ആണ് എഐ ഉപയോ​ഗിച്ച് പരിശോധനാ പരീക്ഷണം നടത്തുന്നത്. ഈ വർഷാവസാനം കാൻസർ പ്രതിരോധ പദ്ധതി യുകെയിൽ ആരംഭിക്കാനിരിക്കേ പുതിയ പദ്ധതിയുമായി ശാസ്ത്രം രം​ഗത്തെത്തുന്നത്.

ഇതിനോടകം എഐ ഉപയോഗിച്ച് പല പരീക്ഷണങ്ങളും നടത്തി വരുന്നതായി അ​രോ​ഗ്യ വിദ​ഗ്ധർ അറിയിച്ചു. എഐ ഉപയോഗിച്ച് വെയ്റ്റിംഗ് ലിസ്റ്റുകളും സ്കാൻ റിപ്പോർട്ടുകളും പരിശോധിക്കുന്നതിനും തുടക്കമായിട്ടുണ്ട്. എഐ ഉപയോ​ഗിച്ചുള്ള പരീക്ഷണത്തിന് 50നും 53നും ഇടയിൽ പ്രായമുള്ളവരെയാണ് തെരഞ്ഞെടുത്തിരിക്കുന്നത്. ഓരോ മൂന്ന് വർഷം കൂടുമ്പോഴും ഇവരിൽ സ്തനാർബുദ സ്ക്രീനിംഗ് നടത്തും. 71 വയസുവരെ ഈ പരിശോധനകൾ തുടരും.