Entrance Exams after 12th: പ്ലസ് ടു കഴിഞ്ഞാൽ ഇനിയെന്ത്? വിവിധ കോഴ്സുകളിലേക്കുള്ള എൻട്രൻസ് ടെസ്റ്റുകൾ ഇതാ

പ്രതീകാത്മക ചിത്രം

പ്ലസ് ടു കഴിഞ്ഞ് ഇനി എന്തെന്ന സംശയത്തിലാകും പലരും. തൊഴിൽ സാധ്യത ഉള്ള നിരവധി കോഴ്സുകൾ നിങ്ങളെ കാത്തിരിപ്പുണ്ട്. വിവിധ കോഴ്സുകളിലേക്കുള്ള ചില പ്രവേശന പരീക്ഷകളെ പരിചയപ്പെടാം.

ജെ.ഇ.ഇ മെയിൻ/അഡ്വാൻസ്ഡ് (ജോയന്‍റ് എൻട്രൻസ് എക്സാമിനേഷൻ)

എഞ്ചിനീയറിം​ഗ് ബിരുദ പഠനത്തിനായുള്ള പ്രവേശന പരീക്ഷയാണിത്. ജെ.ഇ.ഇ മെയിൻ, അഡ്വാൻസ്ഡ് എന്നിങ്ങനെ രണ്ട് വിഭാ​ഗങ്ങളായാണ് പരീക്ഷ. ജെ.ഇ.ഇ മെയിൻ വിജയിക്കുന്നവർക്ക് ജെ.ഇ.ഇ അഡ്വാൻസ്ഡ് എഴുതാൻ യോഗ്യത ലഭിക്കും.

വെബ്സൈറ്റ്: https://jeemain.nta.nic.in/  

കീം (കേരള എൻജിനീയറിങ് ആർക്കിടെക്ചർ മെഡിക്കൽ എക്സാം)

കേരളത്തിലെ സർക്കാർ, സ്വാശ്രയ കോശളേജുകളിലേക്കുള്ള ഫാർമസ്, ആർക്കിടെക്ട്, എഞ്ചിനീയറിം​ഗ് പ്രവേശന പരീക്ഷ. യോ​ഗ്യത നേടിയവർക്ക് https://cee.kerala.gov.in/cee/ വെബ്സൈറ്റ് സന്ദർ‌ശിക്കാം.

ബിറ്റ്സാറ്റ് (ബിർള ഇൻസ്റ്റിറ്റ്യൂട്ട് ഓഫ് ടെക്നോളജി ആന്റ് സോഷ്യൽ സയൻസ് അഡ്മിഷൻ ടെസ്റ്റ്)

പ്ലസ് ടു വിജയിച്ചവർക്ക് https://bitsadmission.com/ വെബ്സൈറ്റ് സന്ദർശിച്ച് പരീക്ഷയ്ക്കായി അപേക്ഷിക്കാവുന്നതാണ്.

നീറ്റ് (നാഷണൽ എലിജിബിലിറ്റി കം എൻട്രൻസ് എക്സാം)

ഇന്ത്യയിലെ എല്ലാ എംബിബിഎസ്, ബിഡിഎസ്, ആയുർവേദം, ഹോമിയോപ്പതി കോഴ്സുകൾക്കുള്ള പ്രവേശന പരീക്ഷ.

വെബ്സൈറ്റ്: https://neet.nta.nic.in/

കോമൺ ലോ അഡ്മിഷൻ ടെസ്റ്റ് (CLAT)

ഇന്ത്യയിലെ ദേശീയ നിയമ സർവകലാശാലകളിലെയും നിയമ സ്കൂളുകളിലെയും പഞ്ചവത്സരബിരുദ കോഴ്സുകളിലെ പ്രവേശനത്തിനുള്ള പരീക്ഷ.

വെബ്സൈറ്റ്: https://consortiumofnlus.ac.in/

കേരള നിയമ പ്രവേശന പരീക്ഷ

കേരളത്തിലെ സർക്കാർ, സ്വകാര്യ ലോ കോളജുകളിലേക്കുള്ള പ്രവേശന പരീക്ഷ.

വെബ്സൈറ്റ്: https://www.cee.kerala.gov.in/

നാഷനൽ ഡിഫൻസ് അക്കാദമി ആൻഡ് നേവൽ അക്കാദമി എക്സാം

പ്ലസ് ടുവിന് ഫിസിക്‌സ്, കെമിസ്ട്രി,മാത്തമാറ്റിക്‌സ് എന്നിവ പഠിച്ചവർക്ക് നാഷനല്‍ ഡിഫന്‍സ് അക്കാദമിയുടെ എയര്‍ഫോഴ്സ്, നേവല്‍ വിങ്ങുകളിലേക്കും നേവല്‍ അക്കാദമിയുടെ പ്ലസ് ടു കാഡറ്റ് എന്‍ട്രി സ്‌കീമിലേക്കും അപേക്ഷിക്കാവുന്നതാണ്.

വെബ്സൈറ്റ്: https://upsc.gov.in/

നാഷനല്‍ ആപ്റ്റിറ്റ്യൂഡ് ടെസ്റ്റ് ഇന്‍ ആര്‍ക്കിടെക്ചര്‍ (നാറ്റ)

ബാച്‍ലര്‍ ഓഫ് ആര്‍ക്കിടെക്ചര്‍ (ബി.ആർക്) പ്രവേശനത്തിന് കൗണ്‍സില്‍ ആര്‍ക്കിടെക്ചര്‍ നടത്തുന്ന പരീക്ഷ.

വെബ്സൈറ്റ്: https://www.nata.in/