SBI Recruitment 2025: ഡിഗ്രി കഴിഞ്ഞവരാണോ? എസ്ബിഐയിൽ ജോലി നേടാം; തുടക്ക ശമ്പളം അരലക്ഷം

പ്രതീകാത്മക ചിത്രം

ബാങ്കിൽ ജോലി നേടാൻ ആഗ്രഹിക്കുന്നവർക്ക് ഇതാ ഒരു സുവർണ്ണാവസരം. എസ്ബിഐ പ്രൊബേഷനറി ഓഫീസർ തസ്തികയിലെ ഒഴിവുകളിലേക്ക് അപേക്ഷ ക്ഷണിച്ചു. ആകെ 541 ഒഴിവുകളാണ് ഉള്ളത്. താത്പര്യമുള്ള ഉദ്യോഗാർത്ഥികൾക്ക് എസ്ബിഐയുടെ ഔദ്യോഗിക വെബ്‌സൈറ്റ് വഴി അപേക്ഷിക്കാം. അപേക്ഷ നൽകാനുള്ള അവസാന തീയതി ജൂലൈ 7 ആണ്.

അംഗീകൃത സ്ഥാപനം/ സർവകലാശാലയിൽ നിന്ന് ഏതെങ്കിലും വിഷയത്തിൽ ബിരുദം നേടിയവർക്ക് അപേക്ഷിക്കാം. അപേക്ഷിക്കുന്നവർക്കുള്ള കുറഞ്ഞ പ്രായപരിധി 21-ും ഉയർന്ന പ്രായപരിധി 30-ും ആണ്. ഒഴിവുകളുടെ വിഭാഗം തിരിച്ചുള്ള വിതരണം, യോഗ്യത മാനദണ്ഡങ്ങൾ, തിരഞ്ഞെടുപ്പ് മാനദണ്ഡങ്ങൾ ഉൾപ്പടെയുള്ള കൂടുതൽ വിശദാംശങ്ങൾക്ക് ഔദ്യോഗിക വെബ്‌സൈറ്റിൽ നൽകിയിട്ടുള്ള വിജ്ഞാപനം പരിശോധിക്കാം.

750 രൂപയാണ് അപേക്ഷ ഫീസ്. എസ്.സി/ എസ്.ടി, പി.ഡബ്ള്യു.ഡി വിഭാഗക്കാർക്ക് ഫീസ് ഇല്ല. അതേസമയം, പ്രിലിംസ്‌ പരീക്ഷ, മെയ്ൻസ് പരീക്ഷ, വ്യക്തികത അഭിമുഖം എന്നിവ ഉൾപ്പെടുന്നതാണ് തിരഞ്ഞെടുപ്പ് പ്രക്രിയ. ഈ ഘട്ടങ്ങൾ എല്ലാം വിജയകരമായി പൂർത്തിയാക്കി നിയമിക്കപ്പെടുന്നവർക്ക് തുടക്ക ശമ്പളം 48,480 രൂപയാണ്. ഇതിനുപുറമെ, മറ്റ് ആനുകൂല്യങ്ങളും ലഭിക്കും.

ALSO READ: പന്ത്രണ്ടാം ക്ലാസ് യോ​ഗ്യതയുള്ളവർക്ക് കേന്ദ്ര സർവീസിൽ നിരവധി അവസരങ്ങൾ; ഇപ്പോൾ തന്നെ അപേക്ഷിച്ചോളൂ

എങ്ങനെ അപേക്ഷിക്കാം?

• എസ്ബിഐയുടെ ഔദ്യോഗിക വെബ്‌സൈറ്റായ sbi.co.in സന്ദർശിക്കുക.
• ഹോം പേജിൽ ലഭ്യമായ ‘Careers’ എന്ന ഓപ്ഷൻ തിരഞ്ഞെടുക്കുക.
• ‘Current Openings’ എന്നതിൽ കയറി ‘എസ്ബിഐ പിഒ 2025 റിക്രൂട്ട്മെന്റ്’ എന്ന ലിങ്കിൽ ക്ലിക്ക് ചെയ്യുക.
• ‘Apply Online’ എന്നത് തിരഞ്ഞെടുത്ത് ആവശ്യമായ വിവരങ്ങൾ പൂരിപ്പിക്കുക.
• ആവശ്യപ്പെടുന്ന രേഖകൾ കൂടി അപ്ലോഡ് ചെയ്ത്, ഫീസ് അടച്ച ശേഷം അപേക്ഷ സമർപ്പിക്കാം.
• തുടരാവശ്യങ്ങൾക്കായി ഒരു പകർപ്പ് ഡൗൺലോഡ് ചെയ്ത് സൂക്ഷിക്കാം.