Dileep: ‘അതൊന്നും ചെയ്താല് കുട്ടികള് ഉണ്ടാവില്ലെന്ന് മണി പറഞ്ഞു, ഒരോ കാരണങ്ങള് പറഞ്ഞ് മാറ്റിവെച്ചു; പിന്നീട് മീനൂട്ടി ജനിച്ച ശേഷമാണ് ആ സിനിമ ചെയ്തത്; ദിലീപ്
Dileep About Chanthupottu Movie Character: അത് തനിക്ക് വലിയ അടിയായി. അങ്ങനെ ഒരോ കാരണങ്ങള് പറഞ്ഞ് താന് ആ തിരക്കഥ മാറ്റിവെച്ചു. പിന്നീട് മീനൂട്ടി ജനിച്ചതിന് ശേഷമാണ് ആ സിനിമ ചെയ്യുന്നതെന്നും ചിരിച്ചുകൊണ്ട് താരം പറയുന്നു.
Dileep
മലയാളികൾക്ക് ഏറെ പ്രിയങ്കരനാണ് നടൻ ദിലീപ്. വ്യത്യസ്ത കഥാപാത്രങ്ങളിലൂടെ മലയാളി പ്രേക്ഷകരെ ചിരിപ്പിച്ചും ചിന്തിപ്പിച്ചും സിനിമ ജീവിതത്തിൽ വിജയിച്ച നടനാണ് ദിലീപ്. കുഞ്ഞിക്കൂനന്, ചാന്തുപൊട്ട്, ചക്കരമുത്ത്, പച്ചക്കുതിര, മായാമോഹിനി തുടങ്ങിയ നിരവധി ചിത്രങ്ങളില് അദ്ദേഹം വ്യത്യസ്തമായ വേഷങ്ങളാണ് കൈകാര്യം ചെയ്തത്.
2005 ല് ലാല് ജോസിന്റെ സംവിധാനം ചെയ്ത് പുറത്തിറങ്ങിയ ചിത്രമാണ് ചാന്തുപൊട്ട്. ആ വർഷത്തെ ഹിറ്റ് സിനിമകളുടെ പട്ടികയിൽ ഈ സിനിമയും ഇടം പിടിച്ചിരുന്നു. എന്നാല് സിനിമക്കെതിരെ ട്രാന്സ് ജന്ഡർ വിഭാഗത്തില് നിന്നും വലിയ രീതിയിലുള്ള വിമർനമാണ് ഉണ്ടായിട്ടുള്ളത്. സിനിമ ട്രാന്സ് കമ്യൂണിറ്റിക്കെതിരായിരുന്നുവെന്നതായിരുന്നു പ്രധാന വിമർശനം. സിനിമ കാരണം അപമാനിതരായ അനുഭവങ്ങളും നിരവധി പേര് തുറന്നു പറഞ്ഞു.
ചിത്രം പുറത്തിറങ്ങുന്നതിനു ഏകദേശം 8 വർഷം മുമ്പ് തന്നെ സിനിമ സംബന്ധിച്ച ചർച്ചകള് തുടങ്ങിയിരുന്നു. എന്നാല് പല കാരണങ്ങള് കൊണ്ടും ചിത്രം വൈകുകയായിരുന്നു. കലാഭവന് മണി പറഞ്ഞ ഒരു കാര്യം വരെ സിനിമ വൈകാൻ കാരണമായെന്നാണ് ദിലീപ് പറഞ്ഞത്. വർഷങ്ങള്ക്ക് മുമ്പ് നല്കിയ ഒരു അഭിമുഖത്തില് പറയുന്നുണ്ട്. വർഷങ്ങൾക്ക് മുൻപ് മനോരമ ന്യൂസിനു നൽകിയ അഭിമുഖത്തിലായിരുന്നു താരത്തിന്റെ പ്രതികരണം.
സിനിമ ചെയ്യുന്നത് വൈകാന് കാരണമുണ്ടെന്നാണ് ദിലീപ് പറയുന്നത്. ഇങ്ങനെ ഒരു സിനിമ ചെയ്യുന്നതായി താൻ കലാഭവന് മണിയോട് പറഞ്ഞു. ഇത് കേട്ട് കലാഭവൻ മണി തന്നോട് പറഞ്ഞത് ‘അതൊന്നും വേണ്ടാട്ടോ. അതൊന്നും ചെയ്താല് കുട്ടികള് ഉണ്ടാവില്ല’ എന്നായിരുന്നു. അത് തനിക്ക് വലിയ അടിയായി. അങ്ങനെ ഒരോ കാരണങ്ങള് പറഞ്ഞ് താന് ആ തിരക്കഥ മാറ്റിവെച്ചു. പിന്നീട് മീനൂട്ടി ജനിച്ചതിന് ശേഷമാണ് ആ സിനിമ ചെയ്യുന്നതെന്നും ചിരിച്ചുകൊണ്ട് താരം പറയുന്നു.
