Jagathy Sreekumar: 13 വർഷത്തിനു ശേഷം ജ​ഗതി അമ്മ മീറ്റിങ്ങിനെത്തി, കെട്ടിപ്പിടിച്ചു വരവേറ്റ് മോഹൻലാൽ

Jagathy Sreekumar, Mohanlal

കൊച്ചി: അമ്മയുടെ ജനറൽ ബോഡി മീറ്റിങ്ങിൽ നടൻ ജഗതി ശ്രീകുമാർ പങ്കെടുത്തു. നീണ്ട 13 വർഷത്തെ ഇടവേളയ്ക്ക് ശേഷമാണ് അദ്ദേഹം സംഘടനയുടെ യോഗത്തിന് എത്തുന്നത്. കൊച്ചിയിൽ നടക്കുന്ന യോഗത്തിൽ മലയാള സിനിമയിലെ മുൻനിര താരങ്ങൾ അടക്കം നിരവധി പേർ പങ്കെടുത്തു.

മകനോടൊപ്പം വീൽചെയറിലാണ് ജഗതി യോഗത്തിന് എത്തിയത്. കുശലാന്വേഷണം നടത്താൻ എത്തിയ താരങ്ങളെ തിരിച്ചറിഞ്ഞ് പുഞ്ചിരിയോടെ ഇരുന്ന ജഗതി യോഗത്തിലെ ശ്രദ്ധ കേന്ദ്രമായി. നടൻ മോഹൻലാൽ ആലിംഗനം ചെയ്തു ജഗതിയെ സ്വീകരിച്ചു. താരങ്ങളുടെ ചോദ്യങ്ങൾക്ക് ചിരിച്ചും തലകുലുക്കിയും ആണ് അദ്ദേഹം പ്രതികരിച്ചത്. നടൻ മോഹൻലാലിനൊപ്പം ഉള്ള ജഗതിയുടെ ദൃശ്യങ്ങൾ സോഷ്യൽ മീഡിയയിൽ വൈറലാണ്.

Also read – പാട്ടുകാരുടെ പണിപോകുമോ? ഈണങ്ങൾ ഉണ്ടാക്കാനും പാടാനും ഇനി എ ഐ മതി

നടൻ മമ്മൂട്ടി ചടങ്ങിന് എത്തിയിരുന്നില്ല. മുതിർന്ന താരം മധുവും ഓൺലൈനിലൂടെയാണ് യോഗത്തിൽ പങ്കെടുത്തത്. അമ്മയുടെ 31-ാ മത് വാർഷിക പൊതുയോഗമാണ് കൊച്ചിയിൽ നടന്നത്. കഴിഞ്ഞ ഒരു വർഷമായി പ്രവർത്തിക്കുന്ന സംഘടനയ്ക്ക് പുതിയ ഭാരവാഹികളെ കണ്ടെത്തുക എന്നതും ഈ യോഗത്തിന്റെ പ്രധാന അജണ്ട ആയിരുന്നു.

പ്രസിഡന്റ് സ്ഥാനത്ത് മോഹൻലാൽ തുടരണമെന്ന് കമ്മിറ്റി ആവശ്യപ്പെടും എന്നാണ് നിലവിലെ വിവരം. ജനറൽ സെക്രട്ടറി ട്രഷറർ ഉണ്ണി മുകുന്ദനും രാജിവച്ച ഒഴിവുകളിലേക്ക് പുതിയ ഭാരവാഹികളെ കണ്ടെത്തും എന്നാണ് വിവരം. 2012 തേഞ്ഞിപ്പലത്ത് വെച്ചുണ്ടായ അപകടത്തെ തുടർന്ന് സിനിമാരംഗത്ത് നിന്ന് വിട്ടുനിൽക്കുകയായിരുന്നു ജഗതി ശ്രീകുമാർ. ആരോഗ്യം മോശമായി തുടരുന്നതിനാൽ പൊതുവേദികളിൽ പോലും അദ്ദേഹം പ്രത്യക്ഷപ്പെട്ടിരുന്നില്ല. അടുത്തിടെയാണ് വേദികളിൽ എത്തിത്തുടങ്ങിയത് തന്നെ .