Onam Movie Releases: ‘അജയന്റെ രണ്ടാം മോഷണം’ മുതല്‍ ‘ഗോട്ട്’ വരെ; ഓണം ഓണാക്കാൻ എത്തുന്ന മലയാള സിനിമകൾ

മലയാള ചലച്ചിത്ര വ്യവസായത്തിന് സാമ്പത്തികമായി വളരെയധികം നേട്ടം ഉണ്ടാക്കാൻ സാധിക്കുന്ന കാലമാണ് ഓണക്കാലം. ഓണക്കാലത്ത് പ്രേക്ഷകർ കുടുംബസഹിതം തീയേറ്ററുകളിൽ എത്തി സിനിമകൾ കാണുന്നത് കൂടുതൽ ആണ്. ഈ സമയത്ത് സിനിമകൾക്ക് മികച്ച വരുമാനവും പ്രചാരണവുമാണ് ഉണ്ടാകുന്നത്. അതിനാൽ, ഓണത്തിന് റിലീസ് ചെയ്യുന്ന സിനിമകൾക്ക് ശക്തമായ മാർക്കറ്റിംഗ് നടത്തുന്നതും പതിവാണ്.

വമ്പൻ ബജറ്റ് ചിത്രങ്ങൾ, കൂടുതലും ഇതുപോലുള്ള ആഘോഷ സമയങ്ങളിൽ ആണ് പുറത്തിറക്കുന്നത്. കുട്ടികൾക്ക് വെക്കേഷനും, ജോലിക്ക് പോകുന്നവർക്ക് അവതിയുമായതിനാൽ, എല്ലാവരും ഒരുമിച്ചുള്ള സമയത്ത് സിനിമ കാണാൻ പോകാൻ ഭൂരിഭാഗം പേരും താല്പര്യപ്പെടുന്നു. ഇത് പരമാവധി ഉപയോഗപ്പെടുത്താൻ ആണ് സിനിമ വ്യവസായികൾ ശ്രമിക്കുന്നത്.

ഓണം, വിഷു പോലുള്ള മലയാളികളുടെ പ്രിയപ്പെട്ട ആഘോഷങ്ങൾ ആവേശമാക്കാൻ ചലച്ചിത്ര പ്രവർത്തകർ പരമാവധി ശ്രമിക്കാറുണ്ട്. കഴിഞ്ഞ ഓണത്തിന് റിലീസ് ആയ ആർ.ഡി.എക്സ് (RDX), കിംഗ് ഓഫ് കൊത്ത എന്നീ സിനിമകൾ ബോക്സ് ഓഫീസിൽ വലിയ വിജയം നേടിയിരുന്നു. ഇക്കൊല്ലവും പ്രേക്ഷരെ ത്രസിപ്പിക്കാൻ ഒരുപിടി നല്ല സിനിമകൾ ഓണത്തിന് തീയേറ്ററുകളിൽ എത്തുന്നുണ്ട്.

ഓണത്തിന് റിലീസ് ആവുന്ന മലയാളം ചിത്രങ്ങൾ ഏതെല്ലാമെന്ന് നോക്കാം:

അജയന്റെ രണ്ടാം മോഷണം

നടൻ മോഹൻലാൽ സംവിധാനം ചെയ്ത ഒരു ഫാന്റസി മലയാളം ചിത്രമാണ് ‘ബറോസ്’. മോഹൻലാൽ തന്നെയാണ് ചിത്രത്തിൽ നായക കഥാപാത്രത്തെ അവതരിപ്പിക്കുന്നത്. ഇന്ത്യയിലെ ആദ്യത്തെ 3ഡി ചിത്രമായ ‘മൈ ഡിയർ കുട്ടിച്ചാത്തൻ’ സംവിധാനം ചെയ്ത ജിജോ പുന്നൂസാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ആശിർവാദ് പ്രൊഡക്ഷൻസിന്റെ ബാനറിൽ ആന്റണി പെരുമ്പാവൂർ ആണ് ചിത്രം നിർമിക്കുന്നത്. ‘ബറോസ്’ സെപ്റ്റംബർ 12ന് തീയേറ്ററുകളിൽ എത്തും.