Saree Movie: ‘അമിതമായ സ്നേഹം ഭയാനകമാകും’; റാം ഗോപാൽ വർമ്മയുടെ ‘സാരി’ ടീസർ പുറത്ത്
Saree Movie Teaser Out: മലയാളിയായ ആരാധ്യ ദേവി കേന്ദ്ര കഥാപാത്രത്തെ അവതരിപ്പിക്കുന്ന 'സാരി' ചിത്രത്തിന്റെ ടീസർ പുറത്തുവിട്ടു. നാല് ഭാഷകളിലാണ് ചിത്രം പുറത്തിറങ്ങുന്നത്.
'സാരി' ചിത്രത്തിന്റെ പോസ്റ്ററുകൾ (Image Courtesy: Ram Gopal Varma Twitter)
റാം ഗോപാൽ വർമ്മ അവതരിപ്പിക്കുന്ന ചിത്രം ‘സാരി’യുടെ ടീസർ പുറത്തിറക്കി. ഗിരി കൃഷ്ണ കമൽ സംവിധാനം ചെയ്ത് മലയാളിയായ ആരാധ്യ ദേവി കേന്ദ്ര കഥാപാത്രത്തെ അവതരിപ്പിക്കുന്ന ചിത്രം പുറത്തിറങ്ങുന്നതിന് മുൻപ് തന്നെ പ്രേക്ഷകർക്കിടയിൽ ഏറെ ശ്രദ്ധ നേടിയിരുന്നു. സാരി ചുറ്റിയ യുവതിയോട് ഒരു യുവാവിന് തോന്നുന്ന അടങ്ങാത്ത അഭിനിവേശവും പിന്നീടത് അപകടകരമായി മാറുന്നതും ആണ് ചിത്രത്തിന്റെ കഥാസാരം.
രവി വർമ്മ നിർമിക്കുന്ന ചിത്രത്തിന്റെ ഛായാഗ്രഹണം ശബരിയാണ്. ‘അമിതമായ സ്നേഹം ഭയാനകമാകും’ എന്നതാണ്’സാരി’യുടെ ടാഗ് ലൈൻ. സത്യ യാദുവാണ് ചിത്രത്തിലെ നായക കഥാപാത്രത്തെ അവതരിപ്പിക്കുന്നത്. ചിത്രത്തിൽ യുവാവ് സാരി ചുറ്റിയ ഒരു യുവതിയെ കാണുന്നു. അയാൾ അവളെ പിന്തുടരാൻ ആരംഭിക്കുകയും, പിന്നീട് അയാൾക്ക് അവളോടുള്ള വികാരം അപകടകരമായി മാറുന്നതുമാണ് ചിത്രം പറയുന്നത്.
ALSO READ: ഓരോ സീനിലും ചുരുൾ നിവരുന്ന നിഗൂഢത; കിഷ്കിന്ധാ കാണ്ഡം സമാനതകളില്ലാത്ത സിനിമാറ്റിക് എക്സ്പീരിയൻസ്
ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്ന ആരാധ്യയുടെ പേര് യഥാർത്ഥത്തിൽ ശ്രീലക്ഷ്മി എന്നായിരുന്നു. ആർജിവി ഡെൻ നടത്തിയ കോർപ്പറേറ്റ് സെലെക്ഷനിലൂടെയാണ് അവർ ഈ ചിത്രത്തിലേക്ക് എത്തുന്നത്. ഏകകണ്ഠേനയാണ് ആരാധ്യയെയും സത്യ യാദുവിനേയും ഈ ചിത്രത്തിലേക്ക് തെരഞ്ഞെടുത്തത്.
റാം ഗോപാൽ വർമ്മ ആരാധ്യയെ കണ്ടെത്തുന്നത് അദ്ദേഹത്തിന് അയച്ചു കിട്ടിയ ഒരു ഇൻസ്റ്റാ റീലിലൂടെയാണ്. ഹിന്ദി, തെലുങ്ക്, തമിഴ്, മലയാളം, എന്നീ ഭാഷകളിൽ പുറത്തിറങ്ങുന്ന ചിത്രം നവംബർ 4-ന് റിലീസ് ചെയ്യും.
