Doctor Death arrest: ഏഴ് മാസത്തെ ഒളിവിൽ ജീവിതത്തിന് ശേഷം സീരിയൽ കില്ലർ ദേവേന്ദർ ശർമ്മ വലയിൽ
Serial killer Devender Sharma, infamous as Doctor Death, was arrested: ടാക്സി, ട്രക്ക് ഡ്രൈവർമാരെ ആകർഷിച്ച് കൊലപ്പെടുത്തുകയും അവരുടെ വാഹനങ്ങൾ വിൽക്കുകയും ചെയ്തതായിരുന്നു ശർമ്മയുടെ ക്രൂരമായ രീതി.
Killer Arrest (പ്രതീകാത്മക ചിത്രം)
ന്യൂഡൽഹി: ‘ഡോക്ടർ ഡെത്ത്’ എന്നറിയപ്പെടുന്ന കുപ്രസിദ്ധ സീരിയൽ കില്ലർ ദേവേന്ദർ ശർമ്മയെ ഡൽഹി പോലീസ് ഒടുവിൽ പിടികൂടി. 67 വയസ്സുകാരനായ ആയുർവേദ ഡോക്ടറായ ഇയാൾ, 2023 ഓഗസ്റ്റിൽ പരോളിൽ ഇറങ്ങിയ ശേഷം ഒളിവിൽ കഴിയുകയായിരുന്നു. ആറുമാസത്തെ തിരച്ചിലിനൊടുവിൽ രാജസ്ഥാനിലെ ദൗസയിലുള്ള ഒരു ആശ്രമത്തിൽ പൂജാരിയായി ഒളിവിൽ കഴിയുന്ന നിലയിലാണ് ഇയാളെ കണ്ടെത്തിയത്.
ടാക്സി, ട്രക്ക് ഡ്രൈവർമാരെ ആകർഷിച്ച് കൊലപ്പെടുത്തുകയും അവരുടെ വാഹനങ്ങൾ വിൽക്കുകയും ചെയ്തതായിരുന്നു ശർമ്മയുടെ ക്രൂരമായ രീതി. ഇരകളുടെ മൃതദേഹങ്ങൾ മുതലകളുള്ള ഹസാര കനാലിൽ തള്ളിയിരുന്നത് കുപ്രസിദ്ധമാണ്. ഏഴ് കൊലക്കേസുകളിൽ ശിക്ഷിക്കപ്പെട്ട ഇയാൾക്ക് ഒരു കേസിൽ വധശിക്ഷയും ലഭിച്ചിട്ടുണ്ട്.
50-ലധികം കൊലപാതകങ്ങൾക്ക് ഇയാൾ ഉത്തരവാദിയാണെന്ന് പോലീസ് കരുതുന്നു. അനധികൃത കിഡ്നി മാറ്റിവെക്കൽ റാക്കറ്റും ഇയാളുടെ ക്രിമിനൽ ജീവിതത്തിന്റെ ഭാഗമായിരുന്നു. 125-ലധികം അനധികൃത ശസ്ത്രക്രിയകൾക്ക് താൻ സൗകര്യമൊരുക്കിയിട്ടുണ്ടെന്ന് ഇയാൾ സമ്മതിച്ചിട്ടുണ്ട്. ഇത് ഇയാളുടെ ആദ്യത്തെ ഒളിവിൽപ്പോക്കല്ല; 2020-ൽ പരോളിൽ ഇറങ്ങിയ ശേഷം ഏഴുമാസത്തോളം ഇയാൾ ഒളിവിൽ കഴിഞ്ഞിരുന്നു.
