Railway passengers new facilities: പുതപ്പും തലയിണയുമായി പോകേണ്ടേ…. റെയിൽവേ നൽകുന്ന പുതിയ യാത്രാ സൗകര്യങ്ങൾ ഇതെല്ലാം
Southern Railway Gives Pillows: റെയിൽവേയുടെ നോൺ-ഫെയർ റെവന്യൂ ഇനിഷ്യേറ്റീവിന്റെ ഭാഗമായാണിത് നടപ്പാക്കുന്നത്. ഇതനുസരിച്ച് ബെഡ്ഷീറ്റിന് ഒന്നിനു 20 രൂപയും തലയിണ കവറോഡു കൂടിയ ഒന്നിനു 30 രൂപയുമാണ് നൽകേണ്ടത്. ഇതിലൂടെ ഏകദേശം 28.28 ലക്ഷം വരുമാനം നേടാൻ കഴിയുമെന്നാണ് പ്രതീക്ഷിക്കുന്നത്.
Image for representation purpose only
ചെന്നൈ: സതേൺ റെയിൽവേയുടെ സ്ലീപ്പർ ക്ലാസ് കോച്ചുകളിൽ യാത്ര ചെയ്യുന്നവർക്ക് ഇനിമുതൽ സ്വന്തമായി തലയിണകളും ബെഡ്ഷീറ്റുകളും കൊണ്ടുവരേണ്ട ആവശ്യമില്ല. നേരത്തെ എസി സ്ലീപ്പർ ക്ലാസ് യാത്രക്കാർക്ക് മാത്രം നൽകിയിരുന്ന സൗകര്യമാണ് ഇപ്പോൾ നോൺ എസി യാത്രക്കാർക്കും ലഭ്യമാക്കുന്നത്. 2026 ജനുവരി 1 മുതൽ ചെന്നൈ ഡിവിഷൻ ഈ സൗകര്യം പണമിടപാടിന്റെ അടിസ്ഥാനത്തിൽ ലഭ്യമാക്കാൻ തീരുമാനിച്ചു.
വിശദാംശങ്ങൾ
നോൺ-എസി സ്ലീപ്പർ ക്ലാസ് യാത്രക്കാർക്ക് ഓൺ-ഡിമാൻഡ് – ഓൺ-പേയ്മെന്റ് അടിസ്ഥാനത്തിൽ ശുചീകരിച്ച, ഉപയോഗിക്കാൻ തയ്യാറായ ബെഡ്റോളുകൾ (ബെഡ്ഷീറ്റ്, തലയിണ) ലഭിക്കും. ഇതും ജനുവരി ഒന്നുമുതലാണ് തുടങ്ങുക. തിരഞ്ഞെടുക്കപ്പെട്ട 10 എക്സ്പ്രസ് ട്രെയിനുകളിലാണ് ഈ സൗകര്യം ആദ്യ ഘട്ടത്തിൽ ലഭ്യമാകുക.
Also read – നിഴൽ പോലെ ഒപ്പം, നോട്ടം കൊണ്ട് പോലും നിയന്ത്രണം, രാഷ്ട്രപതിയുടെ എഡിസി
റെയിൽവേയുടെ നോൺ-ഫെയർ റെവന്യൂ ഇനിഷ്യേറ്റീവിന്റെ ഭാഗമായാണിത് നടപ്പാക്കുന്നത്. ഇതനുസരിച്ച് ബെഡ്ഷീറ്റിന് ഒന്നിനു 20 രൂപയും തലയിണ കവറോഡു കൂടിയ ഒന്നിനു 30 രൂപയുമാണ് നൽകേണ്ടത്. ഇതിലൂടെ ഏകദേശം 28.28 ലക്ഷം വരുമാനം നേടാൻ കഴിയുമെന്നാണ് പ്രതീക്ഷിക്കുന്നത്.
പദ്ധതി നടപ്പിലാക്കുന്ന 10 എക്സ്പ്രസ് ട്രെയിനുകൾ
- ചെന്നൈ-മേട്ടുപ്പാളയം നീലഗിരി സൂപ്പർഫാസ്റ്റ് എക്സ്പ്രസ്
- ചെന്നൈ-മംഗലാപുരം സൂപ്പർഫാസ്റ്റ് എക്സ്പ്രസ്
- ചെന്നൈ എഗ്മോർ-മണ്ണാർഗുഡി എക്സ്പ്രസ്
- ചെന്നൈ എഗ്മോർ-തിരുച്ചെന്തൂർ സൂപ്പർഫാസ്റ്റ് എക്സ്പ്രസ്
- ചെന്നൈ-പാലക്കാട് എക്സ്പ്രസ്
- ചെന്നൈ എഗ്മോർ-സെങ്കോട്ടൈ ചിലമ്പ് സൂപ്പർഫാസ്റ്റ് എക്സ്പ്രസ്
- താമ്പരം-നാഗർകോവിൽ സൂപ്പർഫാസ്റ്റ് എക്സ്പ്രസ്
- ചെന്നൈ-തിരുവനന്തപുരം സൂപ്പർഫാസ്റ്റ് എക്സ്പ്രസ്
- ചെന്നൈ-ആലപ്പുഴ സൂപ്പർഫാസ്റ്റ് എക്സ്പ്രസ്
- ചെന്നൈ എഗ്മോർ-മംഗലാപുരം എക്സ്പ്രസ്
