Kerala Budget 2026: അമ്പമ്പോ! മലബാറിന് ഫുട്ബോള് സ്റ്റേഡിയം; ബജറ്റില് കായികപ്രേമികളെ ചേര്ത്തുപിടിച്ച് സര്ക്കാര്
Malabar to Get New Football Stadium as Kerala Budget 2026 Allocates Rs 50 Crore: കായിക കേരളത്തില് ഫുട്ബോള് പ്രതിഭകളെ കണ്ടെത്തി പ്രോത്സാഹനം നല്കുക എന്ന ലക്ഷ്യത്തോടെയാണ് മലബാറില് സ്റ്റേഡിയം പ്രഖ്യാപിച്ചിരിക്കുന്നത്. ഇതിനായി 50 കോടി രൂപയാണ് വകയിരുത്തിയിരിക്കുന്നത്. പുതിയ ഫുട്ബോള് സ്റ്റേഡിയം വരുന്നത് മലബാറിന്റെ മുഖച്ഛായ തന്നെ മാറ്റിമറിക്കുമെന്ന കാര്യം ഉറപ്പാണ്.
വിഡി സതീശന്
തിരുവനന്തപുരം: മലബാറിലെ കായികപ്രേമികളെ ചേര്ത്തുപിടിച്ച് സംസ്ഥാന സര്ക്കാര്. മലബാറിനായി ഫുട്ബോള് സ്റ്റേഡിയം ബജറ്റില് ധനമന്ത്രി വിഡി സതീശന് പ്രഖ്യാപിച്ചു. ഇതിനായി 50 കോടി രൂപയാണ് വകയിരുത്തിയിരിക്കുന്നത്. പുതിയ ഫുട്ബോള് സ്റ്റേഡിയം വരുന്നത് മലബാറിന്റെ മുഖച്ഛായ തന്നെ മാറ്റിമറിക്കുമെന്ന കാര്യം ഉറപ്പാണ്.
മുന് സര്ക്കാരുകളില് നിന്നും വ്യത്യസ്തമായി മലബാറിലെ കായികപ്രേമികളുടെ ആവശ്യത്തിന് മുന്ഗണന നല്കിയാണ് വിഡി സതീശന് സര്ക്കാരിന്റെ ബജറ്റ് അവതരണം. കായിക കേരളത്തില് ഫുട്ബോള് പ്രതിഭകളെ കണ്ടെത്തി പ്രോത്സാഹനം നല്കുക എന്ന ലക്ഷ്യത്തോടെയാണ് മലബാറില് സ്റ്റേഡിയം പ്രഖ്യാപിച്ചിരിക്കുന്നത്.
പഠിക്കാന് ഇനി വിദേശത്ത് പോകേണ്ട
കേരളത്തിലെ യുവാക്കള് പഠിക്കാനായി വിദേശത്തേക്ക് ചേക്കേറുന്നത് ഒഴിവാക്കാന് വമ്പന് പദ്ധതി പ്രഖ്യാപിച്ച് ധനമന്ത്രി വിഡി സതീശന്. ഉന്നത വിദ്യാഭ്യാസ മേഖലയ്ക്കായി 100 കോടി രൂപയാണ് ബജറ്റില് വകയിരുത്തിയിരിക്കുന്നത്. ഉന്നത വിദ്യാഭ്യാസം നേടുന്നതിനായി വിദ്യാര്ഥികള് വിദേശത്തേക്ക് പോകുന്നത് തടയാന് അന്താരാഷ്ട്ര പഠനസൗകര്യങ്ങളോടെ കേരള നോളജ് വാലി പദ്ധതിയാണ് പ്രഖ്യാപിച്ചിരിക്കുന്നത്.
നോളജ് വാലി പദ്ധതി വഴി വിദേശത്തേക്ക് പോകാതെ തന്നെ വിദ്യാര്ഥികള്ക്ക് അന്താരാഷ്ട്ര നിലവാരത്തിലുള്ള വിദ്യാഭ്യാസം കേരളത്തില് തന്നെ നേടാന് സാധിക്കും. അതിനായി ലോകോത്തര നിലവാരമുള്ള വിദേശ സര്വ്വകലാശാലകളുമായി സഹകരിച്ച് ഏറ്റവും മികച്ച അക്കാദമിക് പദ്ധതികള് കേരളത്തിലേക്ക് എത്തിക്കാനാണ് നീക്കം.
ഉന്നത വിദ്യാഭ്യാസ സ്ഥാപനങ്ങളെ അന്താരാഷ്ട്ര നിലവാരത്തിലേക്ക് ഉയര്ത്തുന്നതിനായി പ്രത്യേക മികവിന്റെ കേന്ദ്രങ്ങള് സ്ഥാപിക്കാനും ലക്ഷ്യമിടുന്നുണ്ട്. ഉന്നത വിദ്യാഭ്യാസ രംഗത്ത് കൂടുതല് നിക്ഷേപം കൊണ്ടുവരുന്നതിനായി സ്വകാര്യ സര്വ്വകലാശാല ബില്ലില് ഭേദഗതി വരുത്തുന്നതിനാണ്.
Also Read: Kerala Budget 2026: 25 ലക്ഷം രൂപയുടെ സൗജന്യ ആരോഗ്യ ഇൻഷുറൻസ്; തുക അനുവദിച്ച് സർക്കാർ
ഇതിന് പുറമെ, പിന്നാക്ക-ഗോത്രവര്ഗ മേഖലയില് ഉള്പ്പെടുന്ന കുട്ടികളുടെ ഉന്നമനം ലക്ഷ്യമിട്ടുകൊണ്ട് വയനാട് ട്രൈബല് സര്വകലാശാലയുടെ വികസനത്തിനായി 50 കോടി രൂപയാണ് ബജറ്റില് മാറ്റിവെച്ചിരിക്കുന്നത്.
കൊച്ചിയില് ഫിലിം സിറ്റി വരും
സംസ്ഥാനത്തിന്റെ സാംസ്കാരിക മേഖലയ്ക്ക് പുത്തന് ഉണര്വേകുന്ന പ്രഖ്യാപനങ്ങളും ബജറ്റില് ഉള്പ്പെട്ടിട്ടുണ്ട്. സിനിമ, സംഗീതം, ഗവേഷണം തുടങ്ങിയവയ്ക്കായി കോടികളുടെ പദ്ധതികള് പ്രഖ്യാപിച്ചു. കൊച്ചിയില് അത്യാധുനിക സൗകര്യങ്ങളോടെ ഫിലിം സിറ്റി നിര്മിക്കാനായി 100 കോടി രൂപയാണ് ബജറ്റില് വകയിരുത്തിയിരിക്കുന്നത്.
എംടി വാസുദേവന് നായരുടെ പേരില് കോഴിക്കോട് കള്ച്ചറല് പാര്ക്ക് സ്ഥാപിക്കുമെന്നും ബജറ്റില് പ്രഖ്യാപനം. ഇതിനായി 50 കോടി രൂപയാണ് വകയിരുത്തിയിരിക്കുന്നത്. ഇവിടെ ജെന്സി വിഭാഗത്തില്പെട്ട കുട്ടികള് ഉള്പ്പെടെയുള്ള ആളുകളുടെ കലാപ്രകടനങ്ങള് അവതരിപ്പിക്കാനുള്ള അവസരവും ഉണ്ടായിരിക്കുന്നതാണ്.
മലയാള സിനിമയുടെ പിതാവ് ജെസി ഡാനിയേലിന്റെ സ്മരണയില് ചിത്രനഗരം എന്ന പേരില് പദ്ധതി നടപ്പാക്കും. അന്തരിച്ച സംഗീത സംവിധായകന് ജോണ്സണ് മാസ്റ്ററുടെ പേരില് തൃശൂരില് അത്യാധുനിക മ്യൂസിക് അക്കാദമിയും സ്ഥാപിക്കും.
English Summary
Kerala Finance Minister V D Satheesan has announced a new football stadium for the Malabar region in the Kerala Budget 2026. The government has allocated Rs 50 crore for the project, aiming to strengthen sports infrastructure and promote football development in the region.
