Kerala Rain Alert: 12 ജില്ലകളില് മുന്നറിയിപ്പ്; ശക്തമായ മഴയ്ക്ക് സാധ്യത
Yellow Alert in 12 Districts: കൂടാതെ തെക്കന് ഒഡീഷയ്ക്ക് മുകളില് ചക്രവാതച്ചുഴി സ്ഥിതി ചെയ്യുന്നത് മഴ കൂടുന്നതിന് അനുകൂലമാണെന്നും വിലയിരുത്തലുണ്ട്. ജൂലൈ 24ന് ശക്തമായ മഴയാണ് പ്രവചിക്കപ്പെട്ടിരിക്കുന്നത്.
മഴ മുന്നറിയിപ്പ്
തിരുവനന്തപുരം: കേരളത്തില് ഇന്ന് രണ്ട് ജില്ലകള് ഒഴികെ ബാക്കി എല്ലാ ജില്ലകളിലും മഴ മുന്നറിയിപ്പ്. 12 ജില്ലകളില് യെല്ലോ അലര്ട്ട് പ്രഖ്യാപിച്ചു. അലര്ട്ട് പ്രഖ്യാപിച്ച ജില്ലകളില് 64.5 മില്ലി മീറ്റര് മുതല് 115.5 മില്ലി മീറ്റര് വരെ മഴ പെയ്യാന് സാധ്യതയുള്ളതായി കേന്ദ്ര കാലാവസ്ഥാ വകുപ്പ് അറിയിക്കുന്നു.
ബംഗാള് ഉള്ക്കടലില് രൂപപ്പെട്ട ചക്രവാതച്ചുഴി അടുത്ത ദിവസങ്ങളില് ന്യൂനമര്ദമായി ശക്തിപ്രാപിക്കാന് സാധ്യതയുള്ളതിനാല് കേരളത്തില് മഴ ശക്തിപ്രാപിക്കും. ജൂലൈ 24ന് വടക്കന് ബംഗാള് ഉള്ക്കടലില് പുതിയ ന്യൂനമര്ദം രൂപപ്പെടാന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിക്കുന്നു. 24 മുതല് കേരളത്തില് മഴ വീണ്ടും ശക്തമായേക്കാം.
കൂടാതെ തെക്കന് ഒഡീഷയ്ക്ക് മുകളില് ചക്രവാതച്ചുഴി സ്ഥിതി ചെയ്യുന്നത് മഴ കൂടുന്നതിന് അനുകൂലമാണെന്നും വിലയിരുത്തലുണ്ട്. ജൂലൈ 24ന് ശക്തമായ മഴയാണ് പ്രവചിക്കപ്പെട്ടിരിക്കുന്നത്.
Also Read: Kerala Rain Alert: കേരളത്തില് പരക്കെ മഴ; എന്നാല് ഈ ജില്ലക്കാര് പ്രത്യേകം ശ്രദ്ധിക്കണം
യെല്ലോ അലര്ട്ട്
ജൂലൈ 22 ചൊവ്വ- പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ്
ഓറഞ്ച് അലര്ട്ട്
ജൂലൈ 25 വെള്ളി- കോട്ടയം, ഇടുക്കി, പത്തനംതിട്ട, തൃശൂര്
