Lottery ticket : ഭാഗ്യം വഴിയിൽ പോയി, ലോട്ടറി ഏജന്റിന്റെ കയ്യിൽ നിന്ന് ടിക്കറ്റുകളും പണവും നഷ്ടപ്പെട്ടെന്ന് പരാതി
Lottery Agent Loses Winning Tickets: സമ്മാനാർഹമായ 503063 രൂപയുടെ ലോട്ടറി ടിക്കറ്റുകളും ടിക്കറ്റ് എടുക്കാനായി കരുതിയിരുന്ന 50850 രൂപയുമാണ് ബാഗിൽ ഉണ്ടായിരുന്നത്.
Kerala Lottery
ആലപ്പുഴ: യാത്ര ചെയ്യുന്നതിനിടെ ബാഗ് നഷ്ടപ്പെട്ട് ലോട്ടറി ഏജന്റ്. 5 ലക്ഷം രൂപയിൽ അധികം വില വരുന്ന ലോട്ടറി ടിക്കറ്റുകളും അരലക്ഷത്തോളം രൂപയുമാണ് കളഞ്ഞുപോയ ബാഗിൽ ഉണ്ടായിരുന്നത്. ആലപ്പുഴ എടത്വ ചെക്കിടിക്കാട് അലക്സാണ്ടറുടെ ബാഗാണ് കളഞ്ഞുപോയത്. അലക്സാണ്ടറിന്റെ ജീവനക്കാരൻ ആയ സാം ആയിരുന്നു ബാഗ് സൂക്ഷിച്ചിരുന്നത്. സാം ബാഗുമായി ഇരു ചക്ര വാഹനത്തിൽ യാത്ര ചെയ്യുന്നതിനിടെ ആണ് ബാഗ് നഷ്ടപ്പെട്ട വിവരം മനസ്സിലാക്കിയത്.
അരയിൽ ബെൽറ്റ് കെട്ടി അതിലായിരുന്നു ബാഗ് വെച്ചിരുന്നത്. ഇതുമായി വളഞ്ഞ വഴിക്കും തകഴി പച്ചയ്ക്കും ഇടയിൽ എത്തിയപ്പോഴാണ് ബാഗ് നഷ്ടപ്പെട്ട വിവരം ഇയാൾ തിരിച്ചറിഞ്ഞത്. സമ്മാനാർഹമായ 503063 രൂപയുടെ ലോട്ടറി ടിക്കറ്റുകളും ടിക്കറ്റ് എടുക്കാനായി കരുതിയിരുന്ന 50850 രൂപയുമാണ് ബാഗിൽ ഉണ്ടായിരുന്നത്. സംഭവത്തിന് പിന്നാലെ ആലപ്പുഴ ജില്ലാ പോലീസ് മേധാവിക്കും ആലപ്പുഴ പോലീസ് എന്നിവർക്കും ഇയാൾ പരാതി നൽകിയിട്ടുണ്ട്.
ഇന്നത്തെ കേരള
സമൃദ്ധി ഭാഗ്യക്കുറി (Samrudhi SM 9) യുടെ നറുക്കെടുപ്പാണ് ഇന്ന് നടന്നത്. MH 145666 എന്ന നമ്പറിന് ഒരു കോടി രൂപ ഒന്നാം സമ്മാനവും, MB 140352 എന്ന നമ്പറിന് രണ്ടാം സമ്മാനമായ 25 ലക്ഷവും, മൂന്നാം സമ്മാനമായ അഞ്ച് ലക്ഷം രൂപ MH 116523 എന്ന നമ്പറിനും ലഭിച്ചു.
