Kerala Rain Alert: മഴ കേരളം വിട്ടു; മുന്നറിയിപ്പുകളില്ല, പക്ഷെ ജാഗ്രത തുടരണം
Kerala Weather Forecast: ഇന്ന് കണ്ണൂര്, കാസറഗോഡ്, മലപ്പുറം, കോഴിക്കോട്, വയനാട് ജില്ലകള്ക്ക് യെല്ലോ അലര്ട്ട് പ്രഖ്യാപിച്ചിരുന്നു. എന്നാല് പിന്നീടത് കാലാവസ്ഥ വകുപ്പ് പിന്വലിച്ചു. ദിവസങ്ങള്ക്ക് ശേഷമാണ് മഴ മുന്നറിയിപ്പില്ലാത്ത ഒരു ദിനം കേരളത്തില് വന്നെത്തുന്ന് എന്നതും ശ്രദ്ധേയം.
മഴ മുന്നറിയിപ്പ്
തിരുവനന്തപുരം: കേരളത്തില് മഴയുടെ ശക്തികുറയുന്നു. ഇന്ന് ഓഗസ്റ്റ് 20, ബുധനാഴ്ച ഒരു ജില്ലയിലും മഴ മുന്നറിയിപ്പില്ല. എന്നാല് സംസ്ഥാനത്ത് വ്യാപകമായ നേരിയ മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം വ്യക്തമാക്കി. ശക്തമായ കാറ്റും ഉണ്ടായേക്കാം. അപകട സാധ്യതാ മേഖലകളിലുള്ളവര് നിര്ദേശാനുസരണം മാറി താമസിക്കുക.
ഇന്ന് കണ്ണൂര്, കാസറഗോഡ്, മലപ്പുറം, കോഴിക്കോട്, വയനാട് ജില്ലകള്ക്ക് യെല്ലോ അലര്ട്ട് പ്രഖ്യാപിച്ചിരുന്നു. എന്നാല് പിന്നീടത് കാലാവസ്ഥ വകുപ്പ് പിന്വലിച്ചു. ദിവസങ്ങള്ക്ക് ശേഷമാണ് മഴ മുന്നറിയിപ്പില്ലാത്ത ഒരു ദിനം കേരളത്തില് വന്നെത്തുന്ന് എന്നതും ശ്രദ്ധേയം.
24 മണിക്കൂറില് 204.4 മില്ലിമീറ്ററില് കൂടുതല് മഴയുണ്ടെങ്കില് മാത്രമാണ് റെഡ് അലര്ട്ട് പ്രഖ്യാപിക്കാറുള്ളത്. 115.6 മില്ലിമീറ്റര് മുതല് 204.4 മില്ലിമീറ്റര് വരെയാണെങ്കില് ഓറഞ്ച് അലര്ട്ടും, 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴയാണെങ്കില് യെല്ലോ അലര്ട്ടും പുറപ്പെടുവിക്കുന്നു.
എന്നിരുന്നാലും അതിശക്തമായ മഴയുള്ള സാഹചര്യങ്ങളില് ഉരുള്പൊട്ടല്, മണ്ണിടിച്ചില് സാധ്യതാ മേഖലകളിലുള്ളവര് സുരക്ഷിതമായ ഇടങ്ങളിലേക്ക് മാറിത്താമസിക്കുക. വെള്ളം കയറാന് സാധ്യതയുള്ള പ്രദേശങ്ങളിലുള്ളവര്, അടച്ചുറപ്പില്ലാത്ത വീടുകളില് കഴിയുന്നവര് എന്നിവരും ആവശ്യമെങ്കില് ക്യാമ്പുകളിലേക്ക് മാറുക.
സംസ്ഥാനത്ത് ഇടയ്ക്കിടെ ശക്തമായ കാറ്റുണ്ടാകുന്നതിനാല് മരങ്ങളുടെയോ പരസ്യ ബോര്ഡുകളുടെയോ താഴെ നില്ക്കാനോ വാഹനങ്ങള് പാര്ക്ക് ചെയ്യാനോ ശ്രമിക്കരുത്. അപകടകരമായ മരങ്ങള് നീക്കം ചെയ്യുക. വൈദ്യുത കമ്പികളും പോസ്റ്റുകളും പൊട്ടിവീണത് ശ്രദ്ധയില്പ്പെട്ടാല് ഉടന് തന്നെ വൈദ്യുത വകുപ്പിനെ വിവരമറിയിക്കുക.
