Thiruvananthapuram Medical College: മെഡിക്കൽ കോളജ് ആശുപത്രിയിൽ ഓക്സിജൻ സിലിണ്ടർ ഫ്ലോ മീറ്റർ പൊട്ടിത്തെറിച്ചു; ജീവനക്കാരന് പരിക്ക്

തിരുവനന്തപുരം മെഡിക്കൽ കോളേജ് ആശുപത്രിയിൽ ഓക്സിജൻ സിലിണ്ടറിലെ ഫ്ലോ മീറ്റർ പൊട്ടിത്തെറിച്ച് ജീവനക്കാരന് ​ഗുരുതര പരിക്ക്. അനസ്തീസിയ ടെക്നീഷ്യനായ പാലക്കാട് സ്വദേശി അഭിഷേകിനാണ് പരിക്കേറ്റത്. തലയോട്ടിയിൽ പരിക്കേറ്റ യുവാവ് തീവ്രപരിചരണ വിഭാ​ഗത്തിൽ ചികിത്സയിലാണ്.

കഴിഞ്ഞ ദിവസം ഉച്ചയ്ക്കായിരുന്നു അപകടം. ബി ഓപ്പറേഷൻ തിയറ്ററിലെ ഓക്സിജൻ ഫ്ലോ മീറ്റർ തുറക്കുന്നതിനിടെ ശക്തമായി തെറിച്ച് അഭിഷേകിന്റെ നെറ്റിയിൽ ഇടിക്കുകയായിരുന്നു. ഉടനെ തന്നെ അത്യാഹിത വിഭാ​ഗത്തിൽ പ്രവേശിപ്പിച്ച് ചികിത്സ നൽകി. തുടർന്ന് താമസ സ്ഥലത്തേക്ക് മടങ്ങുകയും ചെയ്തു. എന്നാൽ രാത്രിയോടെ അഭിഷേകിന് ഛർദിയും അപസ്മാര ലക്ഷണങ്ങളുമുണ്ടായി.

ALSO READ: കടലിൽ വീണത് മറൈൻ ഓയിലും രാസവസ്തുക്കളും; ജീവനക്കാരെല്ലാം സുരക്ഷിതരെന്ന് സൂചന

ഉടനെ മെഡിക്കൽ കോളേജ് ആശുപത്രിയിൽ എത്തിക്കുകയും സ്കാനിങ് പരിശോധന നടത്തുകയും ചെയ്തു. പരിശോധനയിൽ തലയോട്ടിയിൽ പരിക്കേറ്റതായി കണ്ടെത്തിയതിനെ തുടർന്ന് ഐസിയുവിൽ പ്രവേശിപ്പിച്ചു. മറ്റ് പ്രശ്നങ്ങളില്ലെന്നും പരിക്ക് ​ഗുരുതരമല്ലെന്നും ആശുപത്രി അധികൃതർ‌ അറിയിച്ചു.

രണ്ടുമാസം മുമ്പും സമാനമായ അപകടം തിരുവനന്തപുരം എസ്എടി ആശുപത്രിയിൽ. സംഭവിച്ചിരുന്നു. ഓക്സിജൻ സിലിണ്ടറിലെ ഫ്ലോ മീറ്റർ പൊട്ടിത്തെറിച്ച് നഴ്സിങ് അസിസ്റ്റന്റായ യുവതിക്ക് കണ്ണിന് ​ഗുരുതര പരിക്കേറ്റിരുന്നു.