Ladies Finger Benefits: വിശപ്പ് കുറയ്ക്കും, കൊളസ്ട്രോൾ നിയന്ത്രിക്കും; വെണ്ടയ്ക്ക ചില്ലറക്കാരനല്ല, ഗുണങ്ങൾ ഒരുപാട്
Benefits of Having Ladies Finger: വെണ്ടയ്ക്ക ഡയറ്റിൽ ഉൾപ്പെടുത്തുന്നത് ആരോഗ്യത്തിന് വളരെ നല്ലതാണ്. ഇത് പതിവാക്കുന്നത് കൊണ്ടുള്ള പ്രധാന ഗുണങ്ങൾ എന്തെല്ലാമെന്ന് നോക്കാം.
പോഷക ഗുണങ്ങൾ കൊണ്ട് സമ്പുഷ്ടമായ പച്ചക്കറികളിൽ ഒന്നാണ് വെണ്ടയ്ക്ക. ശരീരത്തിനാവശ്യമായ വിറ്റാമിനുകളുടെ ഉറവിടമാണിത്. വിറ്റാമിൻ സി, കെ, ബി 9, പൊട്ടാസ്യം, ആന്റി-ഓക്സിഡന്റുകൾ തുടങ്ങി ധാരാളം പോഷകങ്ങൾ വെണ്ടയ്ക്കയിൽ അടങ്ങിയിട്ടുണ്ട്. ഇവ ഡയറ്റിൽ ഉൾപ്പെടുത്തുന്നത് ആരോഗ്യത്തിന് വളരെ നല്ലതാണ്. വെണ്ടയ്ക്ക പതിവാക്കുന്നത് കൊണ്ടുള്ള പ്രധാന ഗുണങ്ങൾ നോക്കാം. (Image Credits: Pixabay)
വിറ്റാമിൻ സിയുടെ ഉറവിടമായ വെണ്ടയ്ക്ക ഡയറ്റിൽ ഉൾപ്പെടുത്തുന്നത് രോഗപ്രതിരോധശേഷി വർധിപ്പിക്കാൻ വളരെ നല്ലതാണ്. കൂടാതെ ഗ്യാസ്, മലബന്ധം ഉൾപ്പടെയുള്ള ദഹന പ്രശ്നങ്ങൾ അകറ്റി നിർത്താനും ഇത് മികച്ചതാണ്. വെണ്ടയ്ക്കയിൽ അടങ്ങിയിട്ടുള്ള വിറ്റാമിൻ എ കണ്ണുകളുടെ ആരോഗ്യത്തിനും വളരെ നല്ലതാണ്. (Image Credits: Pixabay)
വെണ്ടയ്ക്കയിൽ ധാരാളം പൊട്ടാസ്യം അടങ്ങിയിട്ടുണ്ട്. ഇത് രക്തസമ്മർദം കുറയ്ക്കാൻ സഹായിക്കുന്നതിലൂടെ ഹൃദയത്തിന്റെ ആരോഗ്യവും സംരക്ഷിക്കുന്നു. വെണ്ടയ്ക്കയിൽ അടങ്ങിയിട്ടുള്ള ഫൈബർ ശരീരത്തിൽ അടിഞ്ഞുകൂടുന്ന അമിതകൊഴുപ്പ് ഇല്ലാതാക്കാനും സഹായിക്കുന്നു. (Image Credits: Pixabay)
ശരീരഭാരം നിയന്ത്രിക്കാൻ ആഗ്രഹിക്കുന്നവർക്കും വെണ്ടയ്ക്ക ഡയറ്ററിൽ ഉൾപ്പെടുത്താം. കാരണം ഇതിൽ ഫൈബർ ധാരാളം അടങ്ങിയിട്ടുണ്ട്. എന്നാൽ കലോറിയും കാർബോഹൈഡ്രേറ്റും കുറവാണ്. ഇത് അമിതവിശപ്പ് ശമിപ്പിക്കുകയും, അതുവഴി ശരീരഭാരം കുറയ്ക്കാൻ സഹായിക്കുകയും ചെയ്യുന്നു. (Image Credits: Pixabay)
വെണ്ടയ്ക്ക രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കുമെന്നാണ് വിദഗ്ധർ പറയുന്നത്. കൂടാതെ, ഗർഭിണികൾ വെണ്ടയ്ക്ക കഴിക്കുന്നതും വളരെ നല്ലതാണ്. അതുപോലെ, എല്ലുകളുടെ ആരോഗ്യത്തിന് അനിവാര്യമായ വൈറ്റമിനുകളും മിനറലുകളും ഇതിൽ അടങ്ങിയിട്ടുണ്ട്. (Image Credits: Pixabay)
