IPL 2025: ചെന്നെെ സൂപ്പർ കിംഗ്സിൽ അവനാകും ധോണിയുടെ പിൻഗാമി; ഇന്ത്യൻ താരത്തെ പ്രശംസിച്ച് ആകാശ് ചോപ്ര
Chennai Super Kings: താര ലേലത്തിന് മുന്നോടിയായി 5 താരങ്ങളെ നിലനിർത്തുന്നതിനായി 65 കോടി രൂപയാണ് ചെന്നൈ സൂപ്പർ കിംഗ്സ് ചെലവാക്കിയത്. 55 കോടി രൂപയാണ് ഫ്രാഞ്ചെെസിയുടെ പേഴ്സിൽ അവശേഷിക്കുന്നത്.
ഐപിഎൽ ടീമായ ചെന്നെെ സൂപ്പർ കിംഗ്സിൽ എം എസ് ധോണിയുടെ പിൻഗാമിയാകാൻ കെ എൽ രാഹുലിന് സാധിക്കുമെന്ന് മുൻ ഇന്ത്യൻ താരം ആകാശ് ചോപ്ര. (Image Credits: PTI)
വിക്കറ്റ് കീപ്പർ ബാറ്ററാണ് രാഹുൽ. ടീമിന്റെ നായക സ്ഥാനവും ഏൽപ്പിക്കാൻ കഴിയുന്ന വ്യക്തി. ചെന്നെെയ്ക്ക് ധോണിയുടെ പിൻഗാമിയെ ആവശ്യമാണ്. ഒരു ഇന്ത്യൻ താരമാണ് പകരക്കാരനായി എത്തുന്നതെങ്കിൽ നന്നായിരിക്കും. താരലേലത്തിൽ രാഹുലിനെ സ്വന്തമാക്കാൻ ചെന്നൈ ശ്രമിക്കും.' ആകാശ് ചോപ്ര തന്റെ യുട്യൂബ് ചാനലിൽ പറഞ്ഞു. (Image Credits: PTI)
പേഴ്സിൽ 55 കോടി മാത്രം ബാക്കിയുള്ളതിനാൽ രാഹുലിനെ ടീമിലെത്തിക്കുന്നത് എളുപ്പമാവില്ലെന്നും, താരത്തിനായി ടീം ഉയർന്ന തുക ചെലവാക്കില്ലെന്നും ആകാശ് ചോപ്ര കൂട്ടിച്ചേർത്തു. (Image Credits: PTI)
ലഖ്നൗ സൂപ്പര് ജയന്റ്സ് താരലേലത്തോട് അനുബന്ധിച്ച് നിലനിർത്തിയ താരങ്ങളുടെ പട്ടികയിൽ രാഹുൽ ഉണ്ടായിരുന്നില്ല. ടീം മാനേജ്മെന്റുമായുള്ള അഭിപ്രായ വ്യത്യാസങ്ങളെ തുടർന്ന് കരാർ പുതുക്കാൻ താത്പര്യമില്ലെന്ന് താരം അറിയിക്കുകയായിരുന്നു. (Image Credits: PTI)
2022, 2023 സീസണുകളിൽ ലഖ്നൗ സൂപ്പർ ജയന്റ്സ് ഐപിഎൽ പ്ലേ ഓഫിന് യോഗ്യത നേടിയത് രാഹുലിന്റെ ക്യാപ്റ്റൻസിയിലായിരുന്നു. എന്നാൽ 2024-ല് ടീം ഏഴാം സ്ഥാനത്തേക്ക് വീണു. നിക്കോളാസ് പൂരാൻ, രവി ബിഷ്ണോയ്, മായങ്ക് യാദവ്, മോഹ്സിൻ ഖാൻ, ആയുഷ് ബദോണി എന്നിവരെയാണ് ലഖ്നൗ സൂപ്പർ ജയന്റ്സ് നിലനിർത്തിയിരിക്കുന്നത്. (Image Credits: PTI)
