Indian Team Jersey: സ്പോണ്സര് ഇല്ലാത്തതാണ് ഭംഗി, ഇന്ത്യന് ടീം ജഴ്സി ഏറ്റെടുത്ത് ആരാധകര്
Indian Team Training Jersey For Asia Cup 2025: സ്പോണ്സറില്ലെങ്കിലും ജഴ്സിയുടെ ഐശ്വര്യം ഒട്ടും കുറഞ്ഞിട്ടില്ലെന്നാണ് ആരാധകരുടെ അഭിപ്രായം. സ്പോണ്സറുടെ പേരും ലോഗോയുമില്ലാതെ, 'ഇന്ത്യ' എന്ന പേര് കൂടുതല് വ്യക്തമായി കാണാന് പറ്റുന്നതാണ് ഭംഗിയെന്നാണ് ചിലരുടെ കമന്റ്
ഏഷ്യാ കപ്പിന് മുന്നോടിയായുള്ള പരിശീലനത്തിലാണ് സൂര്യകുമാര് യാദവിന്റെ നേതൃത്വത്തിലുള്ള ഇന്ത്യന് ടീം. ഇത്തവണ സ്പോണ്സര്മാരുടെ പേരില്ലാത്ത ജഴ്സിയാണ് ഇന്ത്യന് ടീം ധരിക്കുക (facebook.com/IndianCricketTeam)
ഓണ്ലൈന് ഗെയിമിങ് ആക്ട് നടപ്പിലാക്കിയതിന് പിന്നാലെ ഡ്രീം 11 ഇലവന് ഇന്ത്യന് ടീമിന്റെ സ്പോണ്സര്ഷിപ്പില് നിന്ന് പിന്മാറിയതാണ് കാരണം. ബിസിസിഐ പുതിയ സ്പോണ്സറെ തേടുന്നുണ്ടെങ്കിലും, ഏഷ്യാ കപ്പിന് ശേഷം മാത്രമേ കരാര് യാഥാര്ത്ഥ്യമാകൂ (facebook.com/IndianCricketTeam)
ഇതാണ് സ്പോണ്സര്മാരില്ലാത്ത ജഴ്സിയില് ഇറങ്ങാന് ഇന്ത്യന് ടീമിനെ പ്രേരിപ്പിച്ചത്. സ്പോണ്സര്മാരില്ലാത്ത ജഴ്സിയില് ഇന്ത്യന് ടീം പരിശീലനം നടത്തുന്നതിന്റെ ദൃശ്യങ്ങള് സോഷ്യല് മീഡിയയില് വൈറലാണ് (facebook.com/IndianCricketTeam)
എന്നാല് സ്പോണ്സറില്ലെങ്കിലും ജഴ്സിയുടെ ഐശ്വര്യം ഒട്ടും കുറഞ്ഞിട്ടില്ലെന്നാണ് ആരാധകരുടെ അഭിപ്രായം. സ്പോണ്സറുടെ പേരും ലോഗോയുമില്ലാതെ, 'ഇന്ത്യ' എന്ന പേര് കൂടുതല് വ്യക്തമായി കാണാന് പറ്റുന്നതാണ് ഭംഗിയെന്ന് ചിലര് കമന്റ് ചെയ്യുന്നു (facebook.com/IndianCricketTeam)
ലീഡ് സ്പോണ്സറിനായുള്ള അപേക്ഷകള് ഏതാനും ദിവസം മുമ്പ് ബിസിസിഐ ക്ഷണിച്ചിരുന്നു. സെപ്തംബര് 16ന് മുമ്പ് ബിഡ് ഡോക്യുമെന്റുകള് സമര്പ്പിക്കണം (facebook.com/IndianCricketTeam)
