Budget 2024-25: പുതിയ ബജറ്റ് സ്ത്രീകളെ സന്തോഷിപ്പിക്കുമോ? ഏതെല്ലാം മേഖലകളില് പ്രതീക്ഷവെക്കാം?
Third Modi Government's First Budget: സ്ത്രീകള്ക്കായുള്ള സംരംഭകത്വം കൊണ്ട് സ്ത്രീകളുടെ അന്തസ് ഉയര്ത്തുന്നതിന് സാധിച്ചുവെന്ന് ഇടക്കാല ബജറ്റില് ധനമന്ത്രി നിര്മ്മല സീതാരാമന് പറഞ്ഞിരുന്നു. അതുകൊണ്ട് തന്നെ ഇനിയും അത്തരത്തിലുള്ള ഇടപെടലുകള് ഉണ്ടായേക്കാം.
മോദി സര്ക്കാരിന്റെ പുതിയ ബജറ്റിലേക്കാണ് ഇന്ന് രാജ്യത്തിന്റെ ശ്രദ്ധ. പുതിയ ബജറ്റില് എന്തെല്ലാം കാര്യങ്ങളാണ് ജനങ്ങളെ കാത്തിരിക്കുന്നതെന്ന് അറിയാന് ഇനി കുറച്ച് ദിവസങ്ങള് മാത്രമാണ് ബാക്കിയുള്ളത്.
വരാനിരിക്കുന്ന ബജറ്റ് പ്രഖ്യാപനത്തില് സ്ത്രീകള്ക്കായി പ്രത്യേക പദ്ധതികള് ഉണ്ടാകുമെന്ന പ്രതീക്ഷകളും ഉണ്ട്. അവശ്യ സാധനങ്ങളുടെ സബ്സിഡി വര്ധിപ്പിക്കുന്നതും നിലവിലുള്ള പദ്ധതികളില് അധികമായി ആനുകൂല്യം പ്രഖ്യാപിക്കുന്നതുമെല്ലാം ആ പ്രതീക്ഷയില്പ്പെടുന്നതാണ്.
പാചക വാതകത്തിന്റെ ഡയറക്ട് ബെനഫിറ്റ് ട്രാന്സ്ഫര് പോലെയുള്ള സ്കീമുകളില് ആനുകൂല്യങ്ങള് ഉണ്ടാകാനാണ് സാധ്യത. മാത്രമല്ല, സര്ക്കാര് ആശുപത്രികള്ക്ക് വേണ്ടിയുള്ള ഫണ്ടിങ് വര്ധിപ്പിക്കണമെന്നും സൗജന്യ അല്ലെങ്കില് സബ്സിഡി അധിഷ്ഠിത ആരോഗ്യ പരിശോധനകള് സ്ത്രീകള്ക്കായി നടത്തണമെന്നും നേരത്തെ തന്നെ ആവശ്യമുയര്ന്നിരുന്നു. അതുകൊണ്ട് ആ മേഖലയിലും ചില മാറ്റങ്ങള് പ്രതീക്ഷിക്കാം.
സ്ത്രീകള്ക്കായുള്ള സംരംഭകത്വം കൊണ്ട് സ്ത്രീകളുടെ അന്തസ് ഉയര്ത്തുന്നതിന് സാധിച്ചുവെന്ന് ഇടക്കാല ബജറ്റില് ധനമന്ത്രി നിര്മ്മല സീതാരാമന് പറഞ്ഞിരുന്നു. അതുകൊണ്ട് തന്നെ ഇനിയും അത്തരത്തിലുള്ള ഇടപെടലുകള് ഉണ്ടായേക്കാം.
സ്ത്രീ സംരംഭകത്വം, സ്ത്രീ സുരക്ഷ ശാക്തീകരണം, വ്യവസായം എന്നിവകൊണ്ട് സ്ത്രീ പ്രാതിനിധ്യം രാജ്യത്ത് വര്ധിക്കുന്നത് കണക്കിലെടുത്ത് ഇനിയും സ്ത്രീകള്ക്കായി ഒട്ടേറെ പദ്ധതികള് സര്ക്കാര് വിഭാവനം ചെയ്യാന് സാധ്യതയുണ്ട്.
പ്രധാന്മന്ത്രി ആവാസ് യോജന പ്രകാരം 70 ശതമാനത്തില് അധികം വീടുകള് സ്ത്രീകള്ക്ക് അനുവദിച്ചതായി കേന്ദ്രസര്ക്കാര് നേരത്തെ പറഞ്ഞിരുന്നു.
പ്രധാന് മന്ത്രി കിസാന് സമ്മാന് നിധിയുടെ പ്രയോജനം ഏകദേശം 3 കോടി സ്ത്രീകള്ക്കും ലഭിക്കുമെന്നാണ് സൂചന.
