IDBI Recruitment 2024: ഐഡിബിഐ ബാങ്കിൽ മെഡിക്കൽ ഓഫീസറാകാം; അപേക്ഷിക്കേണ്ട വിധം ഇങ്ങനെ

IDBI-BANK-RECRUITMENT

IDBI Recruitment 2024: ബാങ്കിങ്ങ് മേഖലയിൽ ജോലി ചെയ്യാൻ ആഗ്രഹിക്കുന്നവരാണോ നിങ്ങൾ എങ്കിൽ നിങ്ങൾക്കായിതാ ഒരു സുവർണാവസരം. ഐഡിബിഐ ബാങ്കിൽ മെഡിക്കൽ ഓഫീസർ തസ്തികകളിലേക്കുള്ള ഒഴിവുകളിലേക്ക് അപേക്ഷ ക്ഷണിച്ചു.

ബാങ്കിൻ്റെ ഔദ്യോഗിക വെബ്സൈറ്റായ idbibank.in വഴിയാണ് ജോലിക്ക് അപേക്ഷിക്കേണ്ടത്. തസ്തികകളിലേക്കുള്ള അപേക്ഷാ നടപടികൾ ആരംഭിച്ചിട്ടുണ്ട്. നിലവിൽ ആറ് ഒഴിവുകളാണുള്ളത്. താത്പര്യമുള്ളവർ ജൂലൈ 03-ന് മുൻപ് അപേക്ഷിക്കണം.

യോഗ്യത

അപേക്ഷകർ അംഗീകൃത സർവകലാശാലയിൽ നിന്നോ കോളേജിൽ നിന്നോ എംബിബിഎസ് / എംഡി ബിരുദം നേടിയിരിക്കണം. മെഡിക്കൽ കൗൺസിൽ ഓഫ് ഇന്ത്യയുടെ അംഗീകാരം നേടിയിരിക്കണം. ഉദ്യോഗാർത്ഥികളുടെ പ്രായപരിധി 60 വയസ്സിൽ കവിയാൻ പാടില്ല,

നടപടിക്രമം

അപേക്ഷകളിൽ നിന്നും ഷോർട്ട്‌ലിസ്റ്റ് ചെയ്യുന്നവരുടെ യോഗ്യത, പ്രായ പരിചയം എന്നിവയുടെ അടിസ്ഥാനത്തിലാണ് ഉദ്യോഗാർത്ഥികളെ തിരഞ്ഞെടുക്കുകയും ഷോർട്ട്‌ലിസ്റ്റ് ചെയ്ത ഉദ്യോഗാർത്ഥികളെ അഭിമുഖത്തിന് വിളിക്കും.

ശമ്പളം

തിരഞ്ഞെടുക്കപ്പെടുന്ന ഉദ്യോഗാർത്ഥിക്ക് മണിക്കൂറിന് 1000 രൂപ നിരക്കിലായിരിക്കും ശമ്പളം . പ്രതിമാസം 2000 രൂപ വാഹന അലവൻസും കോമ്പൗണ്ടിംഗ് ഫീസും (ബാധകമെങ്കിൽ) പ്രതിമാസം 1000 രൂപയും ലഭിക്കും.

അപേക്ഷിക്കേണ്ടവിധം

തസ്തികകളിലേക്ക് അപേക്ഷിക്കുന്ന ഉദ്യോഗാർത്ഥികൾ വെബ്സൈറ്റിൽ നിന്നും ഡൗണ്‍ലോഡ് ചെയ്ത ഫോമിൽ ഡെപ്യൂട്ടി ജനറൽ മാനേജർ, ഹ്യൂമൻ റിസോഴ്സസ്, ഐഡിബിഐ ബാങ്ക്, ഐഡിബിഐ ടവർ, ഡബ്ല്യുടിസി കോംപ്ലക്സ്, കഫ് പരേഡ്, കൊളാബ, മുംബൈ, മഹാരാഷ്ട്ര-400005 എന്ന വിലാസത്തിൽ അപേക്ഷാ ഫോം അയയ്ക്കണം.

ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യയുടെയും ( എൽഐസി ) ഇന്ത്യാ ഗവൺമെൻ്റിൻ്റെയും ഉടമസ്ഥതയിലുള്ള ഒരു ഷെഡ്യൂൾഡ് കൊമേഴ്സ്യൽ ബാങ്കാണ് ഐഡിബിഐ ബാങ്ക് ലിമിറ്റഡ് ( ഐഡിബിഐ ബാങ്ക് അല്ലെങ്കിൽ ഐഡിബിഐ ) .