L2 Empuraan Controversy: മോഹന്ലാലിനെ ഒഴിവാക്കി പൃഥ്വിരാജ്! വിവാദങ്ങള്ക്കിടെ എമ്പുരാന്റെ പുതിയ പോസ്റ്റര് പങ്കുവച്ച് താരം
Empuraan New Poster:മോഹന്ലാലിന്റെയും നിര്മാതാക്കളായ ആശീര്വാദിന്റെയും ഗോകുലത്തിന്റെയും പേര് ഒഴിവാക്കിയാണ് പൃഥ്വിരാജിന്റെ പുതിയ പോസ്റ്റര്. ചിത്രത്തിന്റെ എല്ലാ പോസ്റ്ററും പങ്കുവയ്ക്കുന്ന മോഹൻലാൽ ഈ പോസ്റ്റർ പങ്കുവച്ചിട്ടുമില്ല.
‘എമ്പുരാൻ’ പോസ്റ്റർ
മാർച്ച് 27നാണ് മലയാളി പ്രേക്ഷകർ ഏറെ കാത്തിരുന്ന മോഹൻലാൽ പൃഥ്വിരാജ് ചിത്രം എമ്പുരാൻ തീയറ്ററുകളിൽ എത്തിയത്. വൻ ഹൈപ്പിൽ എത്തിയ ചിത്രം ആദ്യ ദിനം തന്നെ മികച്ച പ്രതികരണം കൊണ്ടും കളക്ഷൻ കൊണ്ടും ശ്രദ്ധനേടിയിരുന്നു. എന്നാൽ ഇതിനിടെയിൽ ഒരു ഭാഗത്ത് വലിയ രീതിയിലുള്ള വിവാദങ്ങളാണ് കത്തിയത്. ഗുജറാത്ത് കലാപവുമായി ബന്ധപ്പെട്ട് ചിത്രത്തിൽ ചില പരാമര്ശങ്ങള് നടത്തിയതിനെ ചൂണ്ടികാട്ടിയായിരുന്നു വിമർശനങ്ങൾ.
ഇതിനു പിന്നാലെ വലിയ രീതിയിലുള്ള സൈബർ ആക്രമണങ്ങളും താരങ്ങൾക്കെതിരെയും ഉയർന്നു. എന്നാൽ വിവാദങ്ങളും വിമർശനങ്ങളും ഒരു ഭാഗത്ത് അരങ്ങേറുമ്പോൾ മറുഭാഗത്ത് ചിത്രത്തിന്റെ പുതിയ പോസ്റ്റര് പങ്കുവച്ച് രംഗത്ത് എത്തിയിരിക്കുകയാണ് സംവിധായകൻ പൃഥ്വിരാജ്. മോഹന്ലാലിന്റെയും നിര്മാതാക്കളായ ആശീര്വാദിന്റെയും ഗോകുലത്തിന്റെയും പേര് ഒഴിവാക്കിയാണ് പൃഥ്വിരാജിന്റെ പുതിയ പോസ്റ്റര്. ചിത്രത്തിന്റെ എല്ലാ പോസ്റ്ററും പങ്കുവയ്ക്കുന്ന മോഹൻലാൽ ഈ പോസ്റ്റർ പങ്കുവച്ചിട്ടുമില്ല.
Also Read:‘ജയൻ മാപ്പ് പറയില്ല, മുരളി ഗോപിയുടെ ഈദ് ആശംസയ്ക്ക് കമൻ്റുകളുടെ പ്രവാഹം
അതേസമയം കഴിഞ്ഞ ദിവസം ചിത്രവുമായി ബന്ധപ്പെട്ട് പൃഥ്വിരാജിനെതിരെ നടക്കുന്ന സൈബർ ആക്രമണങ്ങളിൽ പ്രതികരിച്ച് അമ്മയും നടിയുമായ മല്ലിക സുകുമാരൻ രംഗത്ത് എത്തിയിരുന്നു. ചിത്രത്തിൽ മോഹൻലാലും ആന്റണി പെരുമ്പാവൂരും കാണാത്ത ഒരു രംഗം പോലുമില്ലെന്നും ചിലർ മനഃപൂർവം തെറ്റിദ്ധാരണകൾ പരത്തുന്നുവെന്നും മല്ലിക പറഞ്ഞിരുന്നു. പൃഥ്വിരാജ് ചതിച്ചുവെന്ന് മോഹൻലാലോ ആന്റണിയോ ഒരിക്കലും പറയില്ലെന്നും പിന്നെ പൃഥ്വിരാജിനെ ഒറ്റപ്പെടുത്തുന്നത് കൊണ്ട് മേജർ രവിക്ക് എന്ത് ഗുണമെന്നും ഫേയ്സ്ബുക്കിൽ പങ്കുവച്ച പോസ്റ്റിൽ പറഞ്ഞു.
