Operation Sindoor: പാംപോറില് ഇന്ത്യ വെടിവച്ചിട്ടത് പാകിസ്ഥാന്റെ ഫൈറ്റര് ജെറ്റോ?
Flying object crashes in Pampore: പാംപോറിലെ വുയെന് ഗ്രാമത്തില് 'പറക്കുന്ന വസ്തു' വീണതായി സ്ഥിരീകരിച്ചിരുന്നു. തീ അണയ്ക്കാന് ഫയര് ആന്ഡ് എമര്ജന്സി ടീം സ്ഥലത്തെത്തി. സൈന്യം പ്രദേശം വളഞ്ഞിരിക്കുകയാണ്. പ്രദേശത്തേക്ക് പോകാന് ആരെയും അനുവദിക്കുന്നില്ല
തെക്കന് കശ്മീരിലെ പുല്വാമ ജില്ലയിലെ പാംപോറില് ഇന്ത്യന് വ്യോമാതിര്ത്തിയിലേക്ക് നുഴഞ്ഞുകയറാന് ശ്രമിച്ച പാകിസ്ഥാന്റെ ജെഎപ്-17 ഫൈറ്റര് ജെറ്റ് ഇന്ത്യ വെടിവച്ചിട്ടതായി റിപ്പോര്ട്ടുകള് പ്രചരിക്കുന്നു. വിവിധ മാധ്യമങ്ങള് ഇക്കാര്യം റിപ്പോര്ട്ട് ചെയ്തെങ്കിലും ഇത് ഔദ്യോഗികമായി സ്ഥിരീകരിച്ചിട്ടില്ല (Image Credits: PTI)
പാംപോറിലെ വുയെന് ഗ്രാമത്തില് 'പറക്കുന്ന വസ്തു' വീണതായി സ്ഥിരീകരിച്ചിരുന്നു. തീ അണയ്ക്കാന് ഫയര് ആന്ഡ് എമര്ജന്സി ടീം സ്ഥലത്തെത്തി.
ഗ്രാമത്തിലെ ഒരു സ്കൂളിന് സമീപം വലിയ സ്ഫോടന ശബ്ദം കേട്ടതായും, എന്തോ വീണതായും പ്രദേശവാസി പറഞ്ഞു. അത് എന്താണെന്ന് അറിയില്ലെന്നും പ്രദേശവാസി വ്യക്തമാക്കി.
സൈന്യം പ്രദേശം വളഞ്ഞിരിക്കുകയാണ്. പ്രദേശത്തേക്ക് പോകാന് ആരെയും അനുവദിക്കുന്നില്ല. അതിനിടെ ഇന്ത്യയുടെ റാഫേല് വിമാനങ്ങള് പാകിസ്ഥാന് വെടിവച്ചിട്ടതായി വ്യാജപ്രചരണങ്ങള് നടക്കുന്നുണ്ട്. പാക് കേന്ദ്രീകരിച്ചുള്ള സോഷ്യല് മീഡിയ അക്കൗണ്ടുകളിലാണ് വ്യാജപ്രചാരണമെന്നാണ് റിപ്പോര്ട്ട്.
അതേസമയം, വടക്കന് കശ്മീരിലെ കുപ്വാര ജില്ലയിലെ നിയന്ത്രണ രേഖയില് കനത്ത വെടിവയ്പ് നടക്കുന്നുവെന്നാണ് റിപ്പോര്ട്ട്. രജൗരി, പൂഞ്ച് പ്രദേശങ്ങളിലും വെടിവയ്പ് നടക്കുന്നു
