Victim Mentality: മറ്റുള്ളവരെ പഴിച്ചും കുറ്റം പറഞ്ഞും തെറ്റു മറയ്ക്കുന്നവരെ അറിയുമോ? അതൊരു കുറ്റമല്ല, കാരണമിത്
Victim Mentality: പലപ്പോഴും സ്വയം പരിചരിക്കാനോ, സ്വന്തം കഴിവുകള് തിരിച്ചറിയാനോ വൈകുന്നു. ഇതു ഒരു സാഹചര്യത്തില് കുറ്റബോധം ഉണ്ടാക്കാനും കാരണമാകും. നിരന്തരമായ കുറ്റപ്പെടുത്തല് കുടുംബവും സുഹൃത്തുക്കളും ഇത്തരക്കാരെ ഒറ്റപ്പെടുത്താനും സാധ്യതയുണ്ട്.
മറ്റുള്ളവരെ പഴിച്ച്, വിക്റ്റിം കാര്ഡ് ഇറക്കി സഹതാപം പിടിച്ചു പറ്റുന്ന അല്ലെങ്കില് രക്ഷപ്പെടുന്നവര് നമുക്ക് ചുറ്റും ഉണ്ടാകും. ആരെയും കിട്ടിയില്ലെങ്കില് വിധിയെ പഴിക്കും. ഇത്തരക്കാരെ മനഃശാസ്ത്രത്തില് വിശേഷിപ്പിക്കുന്നത് 'വിക്റ്റിം മെന്റാലിറ്റി പേര്സണ്' എന്നാണ്.
തന്റെ ജീവിതത്തില് നടക്കുന്ന നെഗറ്റീവ് കാര്യങ്ങളുടെ ഉത്തരവാദിത്വം എപ്പോഴും മറ്റുള്ളവരുടെ തലയില് ചാര്ത്തി കൊടുക്കുന്നുവെന്നതാണ് ഇത്തരക്കാരുടെ പ്രത്യേകത. എന്നാല് ഇത് പക്ഷേ മനഃപൂര്വ്വമല്ല. കുട്ടിക്കാലത്ത് അവര് നേരിട്ട അവഗണന കുറ്റപ്പെടുത്തല് മറ്റ് ദുരനുഭവങ്ങളിലൂടെ ഉണ്ടായതാവാം.
പാഴിചാരല് കുറച്ചൊക്കെ സ്വാഭാവികമാണെങ്കിലും ഇത് പതിവാക്കുന്നതാണ് വിക്റ്റിം മെന്റാലിറ്റി എന്ന അവസ്ഥയിലേക്ക് എത്തിക്കുന്നത്. മാനസികമായി ദുര്ബലരായ വ്യക്തികള് ഇത്തരത്തില് വിക്റ്റിം മെന്റാലിറ്റി പ്രകടമാക്കാറുണ്ട്.
വിക്റ്റിം മെന്റാലിറ്റി ഒരിക്കലും ആളുകളുടെ ഒരു മോശം സ്വഭാവമല്ല എന്ന് തിരിച്ചറിയണം. ഇത് അത്തരത്തിലുള്ളവരുടെ ജീവിതനിലവാരം കുറയ്ക്കാനും ജീവിത വിജയം മന്ദഗതിയിലാക്കാനും കാരണമാകുന്നു. ഈ ചിന്താഗതി ജീവിതത്തില് സ്റ്റക്ക് ആകുന്ന തോന്നല് ഉണ്ടാക്കാം.
പലപ്പോഴും സ്വയം പരിചരിക്കാനോ, സ്വന്തം കഴിവുകള് തിരിച്ചറിയാനോ വൈകുന്നു. ഇതു ഒരു സാഹചര്യത്തില് കുറ്റബോധം ഉണ്ടാക്കാനും കാരണമാകും. നിരന്തരമായ കുറ്റപ്പെടുത്തല് കുടുംബവും സുഹൃത്തുക്കളും ഇത്തരക്കാരെ ഒറ്റപ്പെടുത്താനും സാധ്യതയുണ്ട്.
