Narendra Modi: പ്രധാനമന്ത്രിപദത്തില് മോദിയുടെ ദൈര്ഘ്യമേറിയ പ്രസംഗം, സംസാരിച്ചത് 103 മിനിറ്റ്
PM Modi Delivers His Longest Independence Day Speech For A Remarkable 103 Minutes: ശത്രുവിന്റെ നുഴഞ്ഞുകയറ്റം നിര്വീര്യമാക്കുന്നതിനും, ഇന്ത്യയുടെ പ്രതിരോധ ശക്തി വര്ധിപ്പിക്കുന്നതിനുമുള്ള 'മിഷന് സുദര്ശന് ചക്ര'യുടെ പ്രഖ്യാപനം മോദി സ്വാതന്ത്ര്യദിന പ്രസംഗത്തില് നടത്തി
നരേന്ദ്ര മോദി
ന്യൂഡല്ഹി: പ്രധാനമന്ത്രി നരേന്ദ്ര മോദി ചെങ്കോട്ടയില് രാഷ്ട്രത്തെ അഭിസംബോധന ചെയ്തത് 103 മിനിറ്റ്. പ്രധാനമന്ത്രിപദത്തില് മോദി നടത്തുന്ന ഏറ്റവും ദൈര്ഘ്യമേറിയ പ്രസംഗമാണിത്. ആത്മനിർഭർ ഭാരത് അടക്കം വിവിധ വിഷയങ്ങളെക്കുറിച്ച് മോദി സംസാരിച്ചു. വികസിത ഭാരതത്തിന്റെ അടിത്തറയാണ് ആത്മനിര്ഭര് ഭാരതെന്ന് അദ്ദേഹം പറഞ്ഞു. ഓപ്പറേഷന് സിന്ദൂര് രാജ്യത്തിന്റെ പ്രതിരോധ സ്വാശ്രയത്വത്തിന്റെ തെളിവായും അദ്ദേഹം ചൂണ്ടിക്കാട്ടി. ഭാവിയിലെ പ്രതിരോധ സാങ്കേതികവിദ്യ പൂർണ്ണമായും തദ്ദേശീയമായി വികസിപ്പിക്കണം. ഇന്ത്യയിൽ തന്നെ ജെറ്റ് എഞ്ചിനുകൾ വികസിപ്പിക്കണമെന്ന് മോദി ആഹ്വാനം ചെയ്തു.
2025 അവസാനത്തോടെ ഇന്ത്യ മെയ്ഡ് ഇൻ ഇന്ത്യ സെമികണ്ടക്ടർ ചിപ്പുകൾ പുറത്തിറക്കും. സാങ്കേതിക മേഖലകളിൽ രാജ്യത്തിന്റെ രാജ്യത്തിന്റെ കരുത്ത് ഇത് പ്രതിഫലിപ്പിക്കുന്നു. എഐ, സൈബര് സുരക്ഷ, ഡീപ് ടെക് തുടങ്ങിയവയുടെ നവീകരണത്തെക്കുറിച്ചും മോദി സംസാരിച്ചു.
ബഹിരാകാശ മേഖല
ബഹിരാകാശ മേഖലയില് രാജ്യം കൈവരിച്ച നേട്ടത്തെക്കുറിച്ചും, വ്യോമസേനയിലെ ഗ്രൂപ്പ് ക്യാപ്റ്റന് ശുഭാന്ശു ശുക്ലയുടെ സ്പേസ് ദൗത്യത്തെ പ്രശംസിച്ചും അദ്ദേഹം സംസാരിച്ചു. ഉപഗ്രഹങ്ങൾ, അത്യാധുനിക ബഹിരാകാശ സാങ്കേതികവിദ്യകൾ എന്നിവയിൽ 300-ലധികം സ്റ്റാർട്ടപ്പുകൾ നവീകരിക്കുന്നതും മോദി ചൂണ്ടിക്കാട്ടി.
ആഗോള താപനത്തിന്റെ പ്രതിസന്ധികളെക്കുറിച്ച് സംസാരിച്ച പ്രധാനമന്ത്രി, 2030-ഓടെ അമ്പത് ശതമാനം ‘ക്ലീന് എനര്ജി’ കൈവരിക്കാന് ഇന്ത്യ ദൃഢനിശ്ചയം ചെയ്തെന്നും, എന്നാല് ഈ വര്ഷം കൊണ്ട് അത് സാധിച്ചെന്നും വ്യക്തമാക്കി. സൗരോർജ്ജം, ആണവ, ജലവൈദ്യുത, ഹൈഡ്രജൻ ഊർജ്ജ മേഖലകൾ മുന്നേറി.
സ്വകാര്യ മേഖലയുടെ പങ്കാളിത്തത്തിലൂടെ ആണവോർജ്ജം വികസിപ്പിക്കുന്നു. 10 പുതിയ ആണവ റിയാക്ടറുകൾ നിലവിൽ പ്രവർത്തനക്ഷമമാണ്. സ്വാതന്ത്ര്യത്തിന്റെ ശതാബ്ദി വാര്ഷികത്തില് രാജ്യത്തിന്റെ ആണവോര്ജ ശേഷി പത്തിരട്ടി വര്ധിപ്പിക്കാന് ലക്ഷ്യമിടുന്നു. ആഴക്കടൽ ഊർജ്ജ സ്രോതസ്സുകൾ ഉപയോഗപ്പെടുത്തി ഊർജ്ജ സ്വാശ്രയത്വം ശക്തിപ്പെടുത്തുകയും വിദേശ ഇന്ധന ഇറക്കുമതിയെ ആശ്രയിക്കുന്നത് കുറയ്ക്കുകയും ചെയ്യുമെന്നും മോദി വ്യക്തമാക്കി.
കാർഷിക മേഖലയുടെ അഭിവൃദ്ധി
കാര്ഷിക മേഖലയുടെ ശാക്തീകരണത്തിന്റെ പ്രാധാന്യത്തെക്കുറിച്ചും പ്രധാനമന്ത്രി സംസാരിച്ചു. ആഭ്യന്തരമായി വളങ്ങൾ ഉൽപ്പാദിപ്പിക്കുകയും ഇറക്കുമതി ആശ്രിതത്വം കുറയ്ക്കുകയും വേണം. കാർഷിക മേഖല അഭിവൃദ്ധി പ്രാപിക്കുന്നു. കർഷകരുടെ ക്ഷേമം സംരക്ഷിക്കുന്നു. ഇന്ത്യയുടെ സ്വന്തം സോഷ്യൽ മീഡിയ പ്ലാറ്റ്ഫോമുകളും ഡിജിറ്റൽ ഇൻഫ്രാസ്ട്രക്ചറുകളും വികസിപ്പിക്കാൻ പ്രധാനമന്ത്രി മോദി യുവാക്കളോട് ആഹ്വാനം ചെയ്തു.
‘ലോകത്തിന്റെ ഔഷധശാല’ എന്ന നിലയിൽ ഇന്ത്യയുടെ ശക്തി മോദി പ്രസംഗത്തില് ഉയര്ത്തിക്കാട്ടി. മനുഷ്യരാശിയുടെ ക്ഷേമത്തിനായി ഏറ്റവും മികച്ചതും താങ്ങാനാവുന്ന നിരക്കിലും മരുന്നുകള് നല്കുന്നത് നമ്മളല്ലേയെന്നും അദ്ദേഹം ചോദിച്ചു.
മിഷൻ സുദർശൻ ചക്ര
ശത്രുവിന്റെ നുഴഞ്ഞുകയറ്റം നിര്വീര്യമാക്കുന്നതിനും, ഇന്ത്യയുടെ പ്രതിരോധ ശക്തി വര്ധിപ്പിക്കുന്നതിനുമുള്ള ‘മിഷന് സുദര്ശന് ചക്ര’യുടെ പ്രഖ്യാപനം മോദി സ്വാതന്ത്ര്യദിന പ്രസംഗത്തില് നടത്തി. ദീപാവലി ദിനത്തിൽ ജിഎസ്ടി പരിഷ്കാരങ്ങൾ അവതരിപ്പിക്കുമെന്നും അദ്ദേഹം പ്രഖ്യാപിച്ചു. പുതുതായി ജോലിയില് ഏര്പ്പെടുന്ന യുവജനങ്ങള്ക്ക് മാസം 15,000 ലഭിക്കുന്ന ഒരു ലക്ഷം കോടി രൂപയുടെ ‘പിഎം വികസിത് ഭാരത് റോസ്ഗര് യോജന’യും അദ്ദേഹം പ്രഖ്യാപിച്ചു. 3 കോടി യുവജനങ്ങള്ക്ക് പ്രയോജനം ചെയ്യുക എന്നതാണ് ഈ പദ്ധതി ലക്ഷ്യമിടുന്നത്.
സൗരോർജ്ജം, ഹൈഡ്രജൻ, ജലവൈദ്യുത, ആണവോർജ്ജം എന്നിവയിലെ വിപുലീകരണങ്ങൾക്കൊപ്പം സമുദ്രവിഭവങ്ങൾ ഉപയോഗപ്പെടുത്തുന്നതിനായി നാഷണൽ ഡീപ്പ് വാട്ടർ എക്സ്പ്ലോറേഷൻ മിഷൻ ആരംഭിക്കുമെന്നും പ്രധാനമന്ത്രി വ്യക്തമാക്കി.
