Kerala Elections 2026 LIVE: പോളിംഗ് ആരംഭിച്ചോ? വോട്ട് ചെയ്യാൻ പോകുന്നവർ അറിയാൻ- Live
Kerala Assembly Elections 2026 Live Updates in Malayalam: പോളിംഗ് ശതമാനത്തിലെ ഏറ്റക്കുറച്ചിലുകളിൽ നിന്നും സംസ്ഥാനത്തെ ആകെയുള്ള ട്രെൻഡ് മനസ്സിലാകുമോ എന്ന് വിദഗ്ധർ പോലും കാത്തിരിക്കുകയാണ്. 74.06 എന്ന പോളിംഗ് ശതമാനത്തിലാണ് എൽഡിഎഫ് 2021-ൽ തുടർഭരണം ഉറപ്പിച്ചത്. ഇത്തവണ അത് കൂടുമോ ഇല്ലയോ എന്ന് കണ്ടറിയാം എന്തായാലും തിരഞ്ഞെടുപ്പ് മഹോത്സവത്തിൻ്റെ യഥാർത്ഥ ഫലം അറിയാൻ മെയ്-04-ന് വോട്ടെണ്ണൽ വരെ കാത്തിരിക്കേണ്ടി വരും.
LIVE NEWS & UPDATES
-
മട്ടന്നൂരില് ബൂത്ത് ഏജന്റിനെതിരെ ആക്രമണം
മട്ടന്നൂര് മാലൂരില് ബിജെപിയുടെ ബൂത്ത് ഏജന്റിനെതിരെ കല്ലെറിഞ്ഞതായി ആരോപണം. സിപിഎമ്മുകാര് കല്ലെറിഞ്ഞെന്നാണ് ബിജെപിയുടെ ആരോപണം. മനോളി ഷൈജുവിനാണ് പരിക്കേറ്റത്.
-
Mock Polling: മോക് പോളിങ് ആരംഭിച്ചു
മോക് പോളിങ് ആരംഭിച്ചു. പോളിങ് രാവിലെ ഏഴിന് തുടങ്ങും. വൈകിട്ട് ആറു വരെയാണ് വോട്ടെടുപ്പ്.
-
Kerala Election: വോട്ടെടുപ്പ് രാവിലെ ഏഴ് മുതല്
രാവിലെ ഏഴിന് വോട്ടെടുപ്പ് ആരംഭിക്കും. ആകെ 2,71,96936 വോട്ടര്മാരാണുള്ളത്. Read More
തിരുവനന്തപുരം: “ബുള്ളറ്റിനേക്കാൾ ശക്തമാണ് ബാലറ്റ് ” മുൻ അമേരിക്കൻ പ്രസിഡൻ്റായിരുന്ന എബ്രഹാം ലിങ്കൺ തിരഞ്ഞെടുപ്പിനെ പറ്റി പറഞ്ഞ വാചകങ്ങളാണ്. അത്രയും ശക്തമായ സൂപ്പർ പവർ ജനങ്ങൾക്ക് വിനിയോഗിക്കാനുള്ള ആ സുദിനം വന്നിരിക്കുകയാണ്. ഇതുവരെയുള്ള തിരക്കുകളെല്ലാം മാറ്റി വെച്ച് കേരളം ഒന്നാകെ തിരഞ്ഞെടുപ്പ് ഗോദയിലേക്ക് എത്തുകയാണ്. തുടർ ഭരണം ആവർത്തിക്കാൻ എൽഡിഎഫും, ഭരണം തിരികെ പിടിക്കാൻ യുഡിഎഫും മത്സരിക്കുമ്പോൾ സംസ്ഥാനത്ത് ഒന്നാകെ മുന്നേറ്റത്തിന് കളമൊരുക്കാൻ ശ്രമിക്കുകയാണ് എൻഡിഎ.
ഇതുവരെയുള്ള എല്ലാ പ്രീ-പോൾ സർവ്വേകളും വ്യക്തമായ ചിത്രം നൽകാത്തൊരു തിരഞ്ഞെടുപ്പ് എന്ന പ്രത്യേകതയും ഇത്തവണയുണ്ട്. അതുകൊണ്ട് തന്നെ പോളിംഗ് ശതമാനത്തിലെ ഏറ്റക്കുറച്ചിലുകളിൽ നിന്നും സംസ്ഥാനത്തെ ആകെയുള്ള ട്രെൻഡ് എന്ത് എന്ന സൂചനയുണ്ടാകുമോ എന്ന പരിശോധനയിലാണ് വിദഗ്ധർ പോലും. 74.06 എന്ന പോളിംഗ് ശതമാനത്തിലാണ് എൽഡിഎഫ് 2021-ൽ തുടർഭരണം ഉറപ്പിച്ചത്. ഇത്തവണ അത് കൂടുമോ ഇല്ലയോ എന്ന് കണ്ടറിയണം. എന്തായാലും തിരഞ്ഞെടുപ്പ് മഹോത്സവത്തിൻ്റെ യഥാർത്ഥ ഫലം അറിയാൻ മെയ്-04-ന് വോട്ടെണ്ണൽ വരെ കാത്തിരിക്കേണ്ടി വരും. പോളിംഗ് ദിനത്തിൽ നിങ്ങളറിയേണ്ട എല്ലാ വാർത്തകളും, വീഡിയോകളും, വിശേഷങ്ങളും, ടീവി-9 മലയാളത്തിൻ്റെ ഈ ലൈവ് ബ്ലോഗിൽ നിങ്ങൾക്ക് വായിക്കാം.
Published On - Apr 09,2026 5:33 AM
