ഐപിഎൽ 2025 പർപ്പിൾ ക്യാപ് ജേതാക്കൾ

ക്രിക്കറ്റില്‍ ഓരോ മത്സരഫലത്തിന് ശേഷവും കൂടുതല്‍ ചര്‍ച്ച ചെയ്യപ്പെടുന്നത് ബാറ്റര്‍മാരുടെ പ്രകടനത്തെക്കുറിച്ചാണ്. അവര്‍ നേടിയ സിക്‌സറുകളെയും, ഫോറുകളെയും കുറിച്ച് ആരാധകരും ക്രിക്കറ്റ് നിരൂപകരും വാചാലരാകും. എന്നാല്‍ ബാറ്റര്‍മാരുടെ പ്രകടനം മാത്രമാണോ ഒരു മത്സരത്തിന്റെ ജയപരാജയങ്ങളെ നിര്‍ണയിക്കുന്നത്? അല്ലേയല്ല. ബാറ്റിംഗിനൊപ്പം തന്നെ അതിപ്രധാനമാണ് ബൗളിംഗും. എന്നാല്‍ ബൗളര്‍മാര്‍ക്ക് അര്‍ഹിക്കുന്ന പരിഗണനകള്‍ പലപ്പോഴും പൊതുമണ്ഡലങ്ങളില്‍ നിന്ന് ലഭിക്കുന്നുണ്ടോയെന്നത് സംശയമാണ്. എങ്കിലും ഐപിഎല്ലില്‍ ഏറ്റവും കൂടുതല്‍ റണ്‍സ് നേടുന്ന ബാറ്റര്‍മാര്‍ക്ക് 'ഓറഞ്ച് ക്യാപ്' നല്‍കുന്നതുപോലെ, വിക്കറ്റ് വേട്ടക്കാരായ ബൗളര്‍മാര്‍ക്ക് 'പര്‍പ്പിള്‍ ക്യാപ്' നല്‍കുന്നത് അവരോടുള്ള ആദരവിനെയാണ് പ്രതിഫലിപ്പിക്കുന്നത്.

ലീഗിന് പരിസമാപ്തിയാകുമ്പോള്‍ ഏറ്റവും കൂടുതല്‍ വിക്കറ്റ് നേടിയ ബൗളര്‍ക്ക് പര്‍പ്പിള്‍ ക്യാപ് ലഭിക്കും. മുന്‍ പാക് താരമായ സൊഹൈല്‍ തന്‍വീറാണ് ഐപിഎല്‍ ചരിത്രത്തില്‍ ആദ്യമായി പര്‍പ്പിള്‍ ക്യാപ് നേടിയ താരം. പ്രഥമ സീസണില്‍ രാജസ്ഥാന്‍ റോയല്‍സ് താരമായിരുന്നപ്പോഴായിരുന്നു തന്‍വീറിന്റെ ഈ നേട്ടം. ഡ്വെയ്ന്‍ ബ്രാവോ, ഭുവനേശ്വര്‍ കുമാര്‍ എന്നിവര്‍ രണ്ട് തവണയാണ് ഈ നേട്ടം കരസ്ഥമാക്കിയത്