Prince And Family OTT : പ്രിൻസും ഫാമിലിയും എന്ന് ഒടിടിയിൽ വരും? റിലീസ് തീയതി ഇതാ

Prince And Family Ott

ദിലീപ് ചിത്രം പ്രിൻസ് ആൻഡ് ഫാമിലി ഒടിടിയിലേക്ക്. ഏറെ നാളുകൾക്ക് ശേഷം ബോക്സ്ഓഫീസിൽ മികവ് പുലർത്തിയ ഒരു ദിലീപ് ചിത്രമാണ് പ്രിൻസ് ആൻഡ് ഫാമിലി. മെയ് പത്തിന് തിയറ്ററിൽ എത്തിയ ചിത്രം ഇപ്പോഴിതാ ഒരു മാസം പിന്നിടുമ്പോഴേക്കും ഒടിടി റിലീസിന് ഒരുങ്ങി കഴിഞ്ഞു. ജനപ്രിയാനയകൻ്റെ 150-ാമത്തെ ചിത്രമെന്ന പ്രത്യേകതയും പ്രിൻസ് ആൻഡ് ഫാമിലിക്കുണ്ട്.

രണ്ട് വ്യത്യസ്ത പ്ലാറ്റ്ഫോമുകളിലൂടെയാണ് പ്രിൻസ് ആൻഡ് ഫാമിലി ഒടിടിയിലേക്കെത്തുന്നത്. സീ ഗ്രീപ്പും സിമ്പ്ലി സൗത്തും ചേർന്നാണ് ദിലീപ് ചിത്രത്തിൻ്റെ ഡിജിറ്റൽ അവകാശം സ്വന്തമാക്കിയിരിക്കുന്നത്. ജൂൺ 20-ാം തീയതി മുതൽ സീ ഗ്രൂപ്പിൻ്റെ സീ5 എന്ന പ്ലാറ്റ്ഫോമിലൂടെയും സിമ്പ്ലി സൗത്തിലൂടെയും ചിത്രം ഒടിടിയിൽ എത്തും. സീ5ലൂടെ ഇന്ത്യയിലും സിമ്പ്ലി സൗത്തിലൂടെ ഇന്ത്യക്ക് പുറത്തുമാണ് ചിത്രം സംപ്രേഷണം ചെയ്യുക. സീ ഗ്രൂപ്പിന് തന്നെയാണ് പ്രിൻസ് ആൻഡ് ഫാമിലിയുടെ സാറ്റ്ലൈറ്റ് അവകാശവും.

ALSO READ : Bazooka OTT : ഡൊമിനിക് എത്തിയില്ലെങ്കിലും മമ്മൂട്ടിയുടെ ബസൂക്ക ഒടിടിയിലെത്തും; എവിടെ, എപ്പോൾ കാണാം?

പ്രിൻസ് ആൻഡ് ഫാമിലിയുടെ ഒടിടി റിലീസ് അറിയിച്ചുകൊണ്ടുള്ള പോസ്റ്റർ

മാജിക് ഫ്രെയിംസിൻ്റെ ബാനറിൽ ലിസ്റ്റിൻ സ്റ്റീഫനാണ് ചിത്രം നിർമിച്ചിരിക്കുന്നത്. നവാഗതനായ ബിൻ്റോ സ്റ്റീഫനാണ് പ്രിൻസ് ആൻഡ് ഫാമിലിയുടെ സംവിധായകൻ. ഷാരിസ് മുഹമ്മദാണ് ചിത്രത്തിൻ്റെ രചന നിർവഹിച്ചിട്ടുള്ളത്. ദിലീപിന് പുറമെ ഉർവശി, ബിന്ദു പണിക്കർ, മഞ്ജു പിള്ള, വിനീത് തട്ടിൽ, സിദ്ധിഖ്, ജോണി ആൻ്റണി, ധ്യാൻ ശ്രീനിവാസൻ തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.

റെനഡീവാണ് ചിത്രത്തിൻ്റെ ഛായാഗ്രാഹകൻ. സാഗർ ദാസാണ് എഡിറ്റർ. സനൽ ദേവാണ് ചിത്രത്തിന് ഗാനം ഒരുക്കിട്ടുള്ളത്. വിനായക് ശശികുമാറിൻ്റെയും മനു മഞ്ജിത്തിൻ്റെയുമാണ് വരികൾ.