Indian-origin family found dead: യുഎസിൽ കാണാതായ നാല് ഇന്ത്യൻ വംശജർ വാഹനപകടത്തിൽ മരിച്ച നിലയിൽ
Indian-origin family found dead: ന്യൂയോർക്കിൽ നിന്നും വെസ്റ്റ് വിർജീനിയയിലെ ഇസ്കോണ് ക്ഷേത്രമായ ഭുപാദ പാലസ് ഓഫ് ഗോള്ഡിലേക്ക് പോയതായിരുന്നു നാല് പേരും. എന്നാല് ഇവര് ഇവിടെ എത്തിച്ചേര്ന്നിരുന്നില്ല.
Us Accident
ന്യൂയോർക്ക്: യുഎസിൽ കാണാതായ നാല് ഇന്ത്യൻ വംശജരെ വാഹനപകടത്തിൽ മരിച്ച നിലയിൽ കണ്ടെത്തി. ആശാ ദിവാൻ (85), കിഷോർ ദിവാൻ (89), ശൈലേഷ് ദിവാൻ (86), ഗീത ദിവാൻ (84) എന്നിവരാണ് കൊല്ലപ്പെട്ടത്. ഒരു കുടുംബത്തിലെ അംഗങ്ങളാണിവർ.
ന്യൂയോർക്കിൽ നിന്നും വെസ്റ്റ് വിർജീനിയയിലെ ഇസ്കോണ് ക്ഷേത്രമായ ഭുപാദ പാലസ് ഓഫ് ഗോള്ഡിലേക്ക് പോയതായിരുന്നു നാല് പേരും. എന്നാല് ഇവര് ഇവിടെ എത്തിച്ചേര്ന്നിരുന്നില്ല. ഇതേതുടർന്ന് ബന്ധുക്കള് പൊലീസിന് പരാതി നല്കി. തുടര്ന്ന് നടത്തിയ തിരച്ചിലിലാണ് മൃതദേഹങ്ങള് കണ്ടെത്തിയത്.
ALSO READ: ഡിജിറ്റൽ വാലറ്റുകൾ ഉപയോഗിച്ച് പണം തിരിമറി; ദുബായിൽ രണ്ട് പേർ അറസ്റ്റിൽ
മാർഷൽ കൗണ്ടിയിൽ വച്ച് ഇവർ സഞ്ചരിച്ച കാർ അപകടത്തിൽ പെടുകയായിരുന്നു. ജൂലൈ 29 ന് പെൻസിൽവാനിയയിലെ ഒരു ബർഗർ കിംഗ് ഔട്ട്ലെറ്റിൽ ഇവർ എത്തിയതിന്റെ സിസിടിവി ദൃശ്യങ്ങൾ ലഭിച്ചിരുന്നു. അവസാനമായി ക്രെഡിറ്റ് കാർഡ് ഉപയോഗിച്ചിരിക്കുന്നതും ഇവിടെവച്ചാണ്.
ശനിയാഴ്ച പ്രാദേശിക സമയം രാത്രി 9.30 ഓടെ ബിഗ് വീലിംഗ് ക്രീക്ക് റോഡിലെ കുത്തനെയുള്ള ഒരു പാറക്കെട്ടിൽ നിന്ന് അപകടത്തിൽപ്പെട്ട വാഹനത്തെയും മൃതദേഹങ്ങളെയും കണ്ടെത്തിയതായി അധികൃതർ പറഞ്ഞു. അന്വേഷണം പൂർത്തിയാകുമ്പോൾ കൂടുതൽ വിവരങ്ങൾ പുറത്തുവിടുമെന്നും അദ്ദേഹം കൂട്ടിച്ചേർത്തു.
