Kerala Budget 2026 LIVE: ക്ഷേമ പെന്ഷന് 2500 രൂപയിലേക്ക്? സംസ്ഥാന ബജറ്റ് ഇന്ന്
Kerala Budget 2026 Live Updates in Malayalam: ശമ്പള പരിഷ്കരണം, പുതിയ പെന്ഷന് പദ്ധതി, ക്ഷേമപെന്ഷന് വര്ധന, റബറിന്റെ താങ്ങുവില വര്ധന, ദാരിദ്ര്യ നിര്മാര്ജന പദ്ധതികള്, സത്രീശാക്തീകരണ പദ്ധതികള് എന്നിവയില് ഊന്നല് നല്കി പ്രഖ്യാപനങ്ങള് ബജറ്റില് പ്രതീക്ഷിക്കാം. ക്ഷേമപെന്ഷന് 2,500 രൂപയിലേക്ക് വര്ധിപ്പിക്കുമോ എന്നറിയാന് ആകാംക്ഷയോടെ കാത്തിരിക്കുകയാണ് ജനങ്ങള്.
Kerala Budget 2026
LIVE NEWS & UPDATES
-
കേന്ദ്ര ബജറ്റ്
ഫെബ്രുവരി ഒന്നിനാണ് കേന്ദ്ര ബജറ്റ് പ്രഖ്യാപനം. അതിനാല് തന്നെ അവയില് പ്രതീക്ഷിക്കുന്ന ധനകാര്യ കമ്മീഷന് ഗ്രാന്റ്, വിവിധ പദ്ധതികളുടെ വിഹിതം എന്നിവ സംസ്ഥാന ബജറ്റില് ഉണ്ടാകാന് സാധ്യതയില്ല. കേന്ദ്ര ബജറ്റിന് ശേഷം ഇവയുടെ കണക്കുകള് പരിശോധിച്ച് സംസ്ഥാന ബജറ്റില് തിരുത്തലുകള് വരുത്തും.
-
വികസന വിപ്ലവം കൂടുതൽ കരുത്തോടെ മുന്നോട്ട്
വികസന വിപ്ലവത്തെ കൂടുതൽ കരുത്തോടെ മുന്നോട്ടു കൊണ്ടുപോകാനുള്ള രേഖയായി ബജറ്റിനു മാറാൻ കഴിയും. കെഎൻ ബാലഗോപാൽ ഫേസ്ബുക്ക് പോസ്റ്റിൽ
-
സാമ്പത്തിക അവലോകന റിപ്പോര്ട്ട്
ബജറ്റ് അവതരണത്തിന് മുന്നോടിയായി 2025ലെ സാമ്പത്തിക അവലോകന റിപ്പോര്ട്ട് നിയമസഭയില് അവതരിപ്പിച്ചിരുന്നു. 2024-25 വര്ഷത്തില് 6.19 വളര്ച്ചയാണ് ജിഡിപിയില് ഉണ്ടായത്. സംസ്ഥാന ധനക്കമ്മി 3.02 ശതമാനത്തില് നിന്ന് 3.86 ശതമാനമായി കുറയുകയും ചെയ്തു.
-
ധനമന്ത്രിയുടെ ആറാമത്തെ ബജറ്റ്
കെഎൻ ബാലഗോപാലിൻ്റെ ആറാമത്തെ ബജറ്റ് അവതരണമാണിത്. എന്നാൽ ഏറ്റവും കൂടുതൽ ബജറ്റ് അവതരിപ്പിച്ചത്… ALSO READ
-
കണക്ട് ടു വര്ക്ക്
സംസ്ഥാനത്തെ തൊഴില് രഹിതരായ യുവാക്കള്ക്കായി മുഖ്യമന്ത്രി പ്രഖ്യാപിച്ച സ്കോളര്ഷിപ്പ് പദ്ധതിയാണ് കണക്ട് ടു വര്ക്ക്. തൊഴിലധിഷ്ടിത കോഴ്സുകള് പഠിച്ചവര്ക്ക് സംസ്ഥാന സര്ക്കാര് പ്രതിമാസം ധനസഹായം നല്കുന്നതാണ്. ഈ പദ്ധതിയുടെ തുക ഉയര്ത്തുന്നതും ബജറ്റില് പരിഗണിച്ചേക്കാം.
-
Kerala Budget 2026 Time: ബജറ്റ് അവതരണം എത്ര മണിക്ക്?
സംസ്ഥാന സർക്കാരിൻ്റെ ബജറ്റ് അവതരണം രാവിലെ 9 മണിക്കാണ്..ALSO READ
-
സ്ത്രീകള്ക്കായി പെന്ഷന്
തദ്ദേശ തെരഞ്ഞെടുപ്പിന് മുന്നോടിയായി മുഖ്യമന്ത്രി പിണറായി വിജയന് സുപ്രധാന പ്രഖ്യാപനങ്ങള് നടത്തിയിരുന്നു, അക്കൂട്ടത്തിലൊന്നാണ് 35 വയസില് കൂടുതലുള്ള സ്ത്രീകള്ക്ക് പെന്ഷന് പദ്ധതി. 1000 രൂപയായിരുന്നു പ്രഖ്യാപനം. എന്നാല് ആ തുക ഉയര്ത്താന് സാധ്യതയുണ്ട്.
-
കര്ഷകര്ക്കായി
സംസ്ഥാനത്തെ കര്ഷകരെ ലക്ഷ്യമിട്ട് റബ്ബറിന്റെ താങ്ങുവില 250 രൂപയാക്കി വര്ധിപ്പിക്കുന്നത് സംബന്ധിച്ച പ്രഖ്യാപനവും ബജറ്റില് ഉണ്ടാകാനിടയുണ്ട്.
-
വിലക്കയറ്റം നിയന്ത്രിക്കണം
സംസ്ഥാനത്തെ വിലക്കയറ്റം നിയന്ത്രിക്കുന്നതിനായി സപ്ലൈകോ വഴി സബ്സിഡി സാധനങ്ങളുടെ ലഭ്യത ഉറപ്പാക്കാനായി കൂടുതല് തുക വകയിരുത്തിയേക്കും.
-
അഷ്വേര്ഡ് പെന്ഷന് പദ്ധതി
നിലവിലുള്ള പങ്കാളിത്ത പെന്ഷന് പദ്ധതിക്ക് പകരമായി അഷ്വേര്ഡ് പെന്ഷന് പദ്ധതി പ്രഖ്യാപിക്കാനിടയുണ്ട്. ശമ്പളത്തിന്റെ പകുതിയെങ്കിലും പെന്ഷന് ഉറപ്പാക്കുന്നതാണ് അഷ്വേര്ഡ് പെന്ഷന് പദ്ധതി.
-
ശമ്പള പരിഷ്കരണം ഉണ്ടാകുമോ?
സംസ്ഥാന സര്ക്കാര് ജീവനക്കാര്ക്ക് അനുകൂലമായി ശമ്പള പരിഷ്കരണം സംബന്ധിച്ച പ്രഖ്യാപനങ്ങളും ധനമന്ത്രി നടത്താന് സാധ്യതയുണ്ട്. 10 മുതല് 15 ശതമാനം വരെ ശമ്പള വര്ധനവാണ് പ്രതീക്ഷിക്കുന്നത്. ശമ്പള പരിഷ്കരണത്തിനായി കമ്മീഷന് പകരം കമ്മിറ്റിയെ നിയോഗിക്കാനും സാധ്യതയുണ്ട്.
-
ക്ഷേമപെന്ഷന് വര്ധന
പിണറായി സര്ക്കാരിന്റെ അവസാന ബജറ്റില് ജനങ്ങള് ആകാംക്ഷയോടെ കാത്തിരിക്കുന്നത് ക്ഷേമപെന്ഷനുമായി ബന്ധപ്പെട്ട പ്രഖ്യാപനമാണ്. പെന്ഷന് 2,500 രൂപയിലേക്ക് ഉയര്ത്തുമെന്നാണ് പ്രതീക്ഷ
തിരുവനന്തപുരം: രണ്ടാം പിണറായി സര്ക്കാരിന്റെ അവസാന ബജറ്റ് പ്രഖ്യാപന ഇന്ന്. പിണറായി വിജയന് സര്ക്കാരിന്റെ പന്ത്രണ്ടാമത്തെയും, ധനമന്ത്രി കെഎന് ബാലഗോപാലിന്റെ ആറാമത്തെയും ബജറ്റ് പ്രഖ്യാപനമാണിത്. ഇന്ന് രാവിലെ 9 മണിക്ക് ബജറ്റ് അവതരിപ്പിക്കും. നിയമസഭ തെരഞ്ഞെടുപ്പിന് തൊട്ടുമുമ്പായുള്ള ബജറ്റില് സുപ്രധാന പ്രഖ്യാപനങ്ങള് സംസ്ഥാന സര്ക്കാര് വരുത്താനാണ് സാധ്യത. കഴിഞ്ഞ തദ്ദേശ തെരഞ്ഞെടുപ്പിന് മുമ്പ് നിരവധി ആനുകൂല്യങ്ങളും പ്രഖ്യാപനങ്ങളും നടത്തിയിരുന്നു. എങ്കിലും ഇവയ്ക്കൊന്നും കാര്യമായ ചലനം തെരഞ്ഞെടുപ്പ് ഫലത്തില് ഉണ്ടാക്കാന് സാധിക്കാത്തതിനാല് ഇതെല്ലാം മുന്നില് കണ്ടാകും ഇന്നത്തെ നീക്കം. ശമ്പള പരിഷ്കരണം, പുതിയ പെന്ഷന് പദ്ധതി, ക്ഷേമപെന്ഷന് വര്ധന, റബറിന്റെ താങ്ങുവില വര്ധന, ദാരിദ്ര്യ നിര്മാര്ജന പദ്ധതികള്, സത്രീശാക്തീകരണ പദ്ധതികള് എന്നിവയില് ഊന്നല് നല്കി പ്രഖ്യാപനങ്ങള് ബജറ്റില് പ്രതീക്ഷിക്കാം. ക്ഷേമപെന്ഷന് 2,500 രൂപയിലേക്ക് വര്ധിപ്പിക്കുമോ എന്നറിയാന് ആകാംക്ഷയോടെ കാത്തിരിക്കുകയാണ് ജനങ്ങള്.
