Saaree OTT: ആരാധ്യയുടെ അരങ്ങേറ്റ ചിത്രം ‘സാരി’ ഒടിടിയിൽ എത്തി; എവിടെ കാണാം?

Saaree Ott Release

പ്രശസ്ത സംവിധായകൻ രാംഗോപാൽ വർമ്മ അവതരിപ്പിച്ച ചിത്രമാണ് ‘സാരി. ഫോട്ടോഷൂട്ടിലൂടെ സോഷ്യൽ മീഡിയയിൽ വൈറലായ മലയാളിയായ ആരാധ്യ ദേവി (ശ്രീലക്ഷ്മി സതീഷ്)​ ആദ്യമായി നായികയായ ചിത്രമാണ് സാരി. ഗിരി കൃഷ്ണ കമൽ ആണ് സംവിധാനം ചെയ്തത്. ചിത്രം ഇപ്പോൾ ഒടിടിയിൽ റിലീസിനെത്തിയിരിക്കുയണ്.

ഒടിടി പ്ലാറ്റ്ഫോമായ “Lionsgate Play” യിലൂടെയാണ് സാരി സ്ട്രീമിങ് ആരംഭിച്ചിരിക്കുന്നത്. ഇക്കാര്യം അവരുടെ ഇൻസ്റ്റാ​ഗ്രാം പേജിലൂടെയാണ് ആരാധകരുമായി പങ്കുവച്ചത്. രാംഗോപാൽ വർമ്മയാണ് ചിത്രത്തിന്റെ രചന. രവി വർമ്മ നിർമിച്ച ചിത്രം ഹിന്ദി ,​ തെലുങ്ക്,​ തമിഴ്,​ മലയാളം ഭാഷകളിൽ പ്രദർശനത്തിനെത്തിയിരുന്നു. സാരി ചുറ്റിയ യുവതിയോട് ഒരു യുവാവിന് തോന്നുന്ന അഭിനിവേശവും പിന്നീട് ഇത് അപകടമാകുന്നതുമാണ് ചിത്രത്തിൽ പറയുന്നത്.അമിതമായ സ്നേഹം ഭയാനകമാകും എന്നതാണ് ചിത്രത്തിന്റെ ടാഗ് ലൈൻ.

Also Read: ‘എന്നെ സ്‍തബ്‍ധനാക്കിയ പ്രകടനം’; ‘കണ്ണപ്പ’യിലെ വിഷ്ണു മഞ്ചുവിനെ കുറിച്ച് രാം ഗോപാല്‍ വര്‍മ്മ

ഇൻസ്റ്റാ​ഗ്രാം റീലിലൂടെയാണ് രാംഗോപാൽ വർമ്മ ശ്രീലക്ഷ്മി സതീഷിനെ കണ്ടെത്തിയത്. സിനിമയ്ക്കായി ആർ.ജി.വി ശ്രീലക്ഷ്മി സതീഷിന്റെ പേര് ആരാധ്യ ദേവി എന്നാക്കുകയായിരുന്നു. ഫെബ്രുവരി 28നാണ് ചിത്രം പ്രദർശനത്തിനെത്തിയത്.